చస్తే చావండి… !

మీడియాకు ఏం ఉన్నా లేకపోయినా సామాజిక బాధ్యత ఉండాలి. రేటింగ్స్ యావలో సమాజానికి హాని కలిగినా పరవాలేదనే ధోరణి ఈ మధ్య బాగా పెరిగింది. భయానకమైన దృశ్యాలు, అసభ్యమైన కథనాలు, నిర్ధారణ కాకుండానే నిందితులను దోషులుగా తేల్చేసి, వారి పరువు తీసే వార్తలు ప్రసారం చేయడం సర్వ సాధారణంగా మారిపోయింది.

నెల్లూరు జిల్లా కావలిలో ఓ అసిస్టెంట్ ప్రొఫెసర్ ఆత్మహత్య చేసుకుంది. మాధవి అనే ఆమె, భాను అనే వ్యక్తితో ప్రేమ విఫలమైందనే బాధతో ఆత్మహత్య చేసుకుంది. అంతకు ముందు సెల్ ఫోన్ వీడియోలో తన బాధను రికార్డ్ చేసింది. అంతే…. పలు తెలుగు వార్తా చానళ్లు రోజంగా ఇక మరో వార్త లేనట్టు పదే పదే అదే సీన్ చూపించారు. కొన్ని చానళ్లు మాత్ర కాస్త నియంత్రణ పాటించాయి.

ఆత్మహత్య అనేది చాలా సున్నితమైన విషయం. మీడియాలో ఆత్మహత్య వార్తలు ఎక్కువగా వచ్చినప్పుడు సమాజంలో ఆత్మహత్య ఘటనలు పెరుగుతాయి. ఏ పోలీసు అధికారిని అడిగినా ఈ విషయం చెప్తారు. అందుకే, పాశ్చాత్య దేశాల్లోని కొన్ని పత్రికల్లో కనీసం ఆత్మహత్య వార్తలు క్లుప్తంగా కూడా ప్రచురించరు. మనిషి బలహీన క్షణంలో ఈ వార్తలు ఆత్మహత్యకు ప్రేరేపిస్తాయనేది సైకాలజిస్టులు ఎప్పుడో తేల్చి చెప్పారు.

తెలుగు మీడియాలో మాత్రం రేటింగ్స్ కోసం కక్కుర్తి పడటం తప్ప మంచీ చెడూ విచక్షణ లేని చానల్స్ చాలా ఉన్నాయి. మాధవి సెల్ఫీ వీడియోను, ఆమె మాటలను, కన్నీళ్లు పెట్టుకునే సీన్ ను చూసిన వారు, బాధల్లో బలహీన క్షణంలో ఆత్మహత్య చేసుకోవాలనే కోరిక బలపడటానికి కారణం కావచ్చు. పదే పదే ఆమె కన్నీటి రోదనను చూపించడం ఎందుకు? ఒకరి చావు కూడా మీడియాకు వ్యాపార సాధనం అవుతుందా? రేటింగ్స్ పెంచుకోవడానికి ఇంత నిస్సిగ్గుగా సమాజానికి హాని చెయ్యాలా? కాస్త సంయమనం పాటించాలనే ఇంగితం లేని చానళ్లను మనం రోజూ చూడాల్సి రావడం మన దౌర్భాగ్యం.

కాస్త సంయమనం పాటించిన చానళ్లకు ఏమైనా నష్టం కలిగిందా? లేదే. వాళ్లు మిగతా వార్తలను కూడా ప్రసారం చేశారు. దీన్ని కూడా ఒక వార్తగా చూపించారు. అయితే కొన్ని అతి ప్రముఖ బడా బడా చానల్స్ మాత్రం పాత్రికేయ ప్రమాణాలను పాతరేసి మనిషి చావును కూడా క్యాష్ చేసుకోవడానికి ప్రయత్నించిన తీరు హేయం. జుగుప్సాకరం.

హైదరాబాద్ లో డాక్టర్స్ ఫైరింగ్ ఘటనలోనూ కొన్ని బడా చానల్స్ గత దాటాయి. తమ ఇష్టం వచ్చినట్టు కొందరిని హంతకులని, లేడీ డాన్ అని ముద్ర వేసేశాయి. గంటల కొద్దీ కథనాలను ప్రసారం చేశాయి. ఈ ఘటనలో ఒక మహిళలే కీలక పాత్ర అని, ఆమే హంతకురాలని ఓ చానల్ తీర్పు చెప్పేసింది. అంతటితో ఆగలేదు, హత్యకు ఇలా ప్లాన్ చేసి ఉంటుంది, అలా ప్లాన్ చేసి ఉంటుందని నొటికొచ్చినట్టు కట్టుకథను అల్లి జనం మీద రుద్దిన చానల్స్ కూడా ఉన్నాయి. ఎందుకింత బాధ్యతా రాహిత్యం? లోకానికి నీతులు చెప్పే మీడియాలో బాధ్యతారాహిత్య పెరుగుతోంది కాబట్టే దీన్ని కంట్రోల్ చేయాలని, కఠిన చట్టాలు రావాలనే డిమాండ్ పెరుగుతోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close