చిరంజీవి, ప‌వ‌న్ క‌ల్యాణ్‌, రామ్‌చ‌ర‌ణ్‌, అల్లు అర్జున్‌, సాయిధ‌ర‌మ్ తేజ్, వ‌రుణ్ తేజ్, అల్లు శిరీష్‌… ఇలా మెగా ఫ్యామిలీలో అర‌డ‌జ‌నుకు పైగా హీరోలున్నారు. హీరోయిన్ కావ‌లిస్తే నిహారిక ఉంది. ఇంకా ఎంత మంది వ‌స్తారో చెప్ప‌లేం. వీళ్లంతా తెర‌పై కనిపిస్తే ఎలా ఉంటుంది?? అదిరిపోతుంది క‌దా? మెగా హీరోలంతా క‌ల‌సి సంద‌డి చేసింది లేదు. ఆ అవ‌కాశం త్వ‌ర‌లో రాబోతోంద‌ని స‌మాచారం. ఈ విష‌యాన్ని వ‌రుణ్ తేజ్ కూడా ధృవీక‌రించాడు.
మ‌ల్టీస్టార‌ర్ సినిమాల గురించి మాట్లాడుతూ ”మా ఫ్యామిలీలో ఇద్ద‌రు ముగ్గ‌రు హీరోలు క‌ల‌సి సినిమాలు చేస్తే బాగుంటుంది. అయితే.. అది వీల‌వ్వ‌డం లేదు. క‌నీసం ఓ సామాజిక కార్య‌క్ర‌మం కోసం చిన్న యాడో, ఫార్ట్ ఫిల్మో చేసే ఆలోచ‌న ఉంది. ఇది వ‌ర‌కు మేమంతా క‌ల‌సి ఓ క్యాలెండ‌ర్ రూపొందిద్దాం అనుకొన్నాం. వాటితో వచ్చిన డ‌బ్బుని సామాజిక కార్య‌క్ర‌మం కోసం వినియోగిద్దామ‌నుకొన్నాం. కానీ… కుద‌ర్లేదు. ఓ మంచి కాన్సెప్ట్ వ‌స్తే త‌ప్ప‌కుండా షార్ట్ ఫిల్మ్ చేస్తాం” అంటున్నాడు వ‌రుణ్ తేజ్. తన ఆలోచ‌న బాగానే ఉంది. అయితే… వీళ్లంద‌రినీ క‌ల‌పే ఐడియా పుట్టాలి క‌దా. అదే పెద్ద స‌మస్య. మెగా హీరోలంతా క‌ల‌సి షార్ట్ ఫిల్మ్ చేసినా, అది సినిమా రేంజులోనే క‌నిపిస్తుంటుంది. చూద్దాం.. ఆ ఘ‌డియ ఎప్పుడొస్తుందో?
