టీడీపీలో “గంటా” కలకలం..! సర్వే పెట్టిన చిచ్చే.. !!

మంత్రి గంటా శ్రీనివాసరావు తెలుగుదేశం పార్టీపై దాదాపుగా తిరుగుబాటు చేసినంత పని చేశారు. మంత్రివర్గ భేటీకి డుమ్మాకొట్టడమే.. కాదు..దీని వెనుక రాజకీయ కారణాలున్నాయని టీడీపీ నేతలకు సంకేతాలు పంపేశారు. గంటా ఇప్పటికిప్పుడు తన అసంతృప్తిని బయటపెట్టుకోవడానికి కారణం… ఆంధ్రజ్యోతి కోసం ఆర్జీ ఫ్లాష్ టీం నిర్వహించిన సర్వే. ఆ సర్వేలో.. గంటా శ్రీనివాసరావు నియోజకవర్గం భీమిలీలో… టీడీపీ ఓడిపోతుందన్న ఫలితం వచ్చింది. గంటాపై వ్యతిరేకత తీవ్రంగా ఉందన్నట్లుగా రిజల్ట్ ప్రకటించారు. ఇదంతా తనను రాజకీయంగా ఇబ్బంది పెట్టడానికేనని ఆయన భావిస్తున్నారు. ఇదొక్కటే కాదు.. విశాఖ జిల్లా టీడీపీలో ఉన్న వర్గ రాజకీయాలు కూడా గంటా ఆసంతృప్తికి కారణం.

గంటా శ్రీనివాసరావు తెలుగుదేశం పార్టీతోనే రాజకీయ జీవితం ప్రారంభించినా.. మధ్యలో పీఆర్పీ, ఆ తర్వాత కాంగ్రెస్‌లకు వెళ్లి గత ఎన్నికలకు ముందు మళ్లీ టీడీపీలోకి వచ్చారు. టీడీపీలో ఉన్నప్పుడు అయ్యన్నపాత్రుడుతో సన్నిహితంగా మెలిగినా… రెండో సారి పార్టీలోకి వచ్చిన తర్వాత మాత్రం ఇద్దరి మధ్య పచ్చగడ్డి వేస్తే భగ్గుమంటోంది. అయ్యన్న పాత్రుడు.. గంటాను టార్గెట్‌ చేసుకుని… ఎప్పుడు అవకాశం దొరికితే అప్పుడు విమర్శలు చేస్తూంటారు. ఈ విషయంలో ఇద్దరి మధ్య సర్దుబాటు చేయడానికి టీడీపీ హైకమాండ్ చేసిన ప్రయత్నాలు ఫలితాలు ఇవ్వలేదు.

రెండేళ్లుగా తనకు వ్యతిరేకంగా పార్టీలో కొన్ని కుట్రలు జరుగుతున్నాయని గంటా చెబుతున్నారు. చంద్రబాబు దృష్టికి తీసుకెళ్లినా పట్టించుకోలేదని.. ఆయన కొంత కాలంగా తన సన్నిహితులతో చెబుతున్నారు. తనపై అనేక అవినీతి ఆరోపణలు చేశారని… తనపై కోర్టుల్లో ప్రజాప్రయోజన వ్యాజ్యాలు కూడా వేశారని.. వీటన్నింటి వెనుక టీడీపీ నేతలే ఉన్నారని గంటా భావిస్తున్నారు. దీనికి సంబంధించిన ఆధారాలు చంద్రబాబుకు ఇచ్చిన పట్టించుకోవడం లేదని గంటా చెబుతున్నారు. విశాఖ భూకుంభకోణం ఆరోపణలపై దర్యాప్తు చేసిన సిట్‌ తన ప్రమేయం లేదని తేల్చిందని.. ఆ నివేదికను కావాలనే ప్రభుత్వం బయటపెట్టడం లేదని.. గంటా అనుమానిస్తున్నారు.

గంటా శ్రీనివాసరావు అసంతృప్తి ఇప్పుడు తెలుగుదేశం పార్టీలో హాట్ టాపిక్ అయింది. ఎన్నికల వేడి ప్రారంభమైన సమయంలో… గంటా ఏమైనా కీలక నిర్ణయం తీసుకోబోతున్నారా అన్న చర్చ కూడా ఏపీ రాజకీయాల్లో ప్రారంభమయింది. బుధవారం విశాఖ జిల్లాలో … అదీ కూడా గంటా నియోజకవర్గం భీమిలిలో ముఖ్యమంత్రి చంద్రబాబు పర్యటించబోతున్నారు. ఆ టూర్‌కు కూడా గంటా డుమ్మా కొడితే… పరిస్థితి సీరియస్సేనని భావించాలని టీడీపీ నేతలు అంటున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మెకానిక్ గా మారిన మాస్ కా దాస్

ఈమ‌ధ్యే 'గామి'గా ద‌ర్శ‌న‌మిచ్చాడు విశ్వ‌క్‌సేన్‌. త‌న కెరీర్‌లో అదో వెరైటీ సినిమా. ప్రేక్ష‌కుల ప్ర‌శంస‌ల‌తో పాటు, విమ‌ర్శ‌కుల మెచ్చుకోళ్లూ ద‌క్కాయి. త‌ను న‌టించిన 'గ్యాంగ్స్ ఆఫ్ గోదావ‌రి' విడుద‌ల‌కు సిద్ధ‌మైంది. ఇప్పుడు మ‌రో...

“చెంగిచెర్ల” మీదుగా బీజేపీ ఎలక్షన్ ప్లాన్లు !

మేడ్చల్ నియోజకవర్గం చెంగిచెర్ల గ్రామంలో హోలీ పండుగ సందర్భంగా ఘర్షణ జరిగింది. డీజే పాటలు పెట్టుకొని హోలీ సంబరాలు చేసుకుంటుండగా.. మరో వర్గానికి చెందిన వారు ఆ పాటలు ఆపాలని కోరారు....
video

ఈదేశం విడిచి వెళ్లిపోండి.. లేదా చ‌చ్చిపోండి!

https://www.youtube.com/watch?v=nb-XDZQSZhE చాలా కాలంగా నారా రోహిత్ నుంచి సినిమాలేం రాలేదు. సుదీర్ఘ విరామం త‌ర‌వాత ఆయ‌న‌.. 'ప్ర‌తినిధి 2' తో ప‌ల‌క‌రించ‌బోతున్నారు. ఓర‌కంగా క‌రెక్ట్ కమ్ బ్యాక్ ఇది. ఎందుకంటే నారా రోహిత్ చేసిన...

‘టిల్లు స్వ్కేర్’ రివ్యూ: మ్యాజిక్ రిపీట్స్

Tillu Square movie review తెలుగు360 రేటింగ్ : 3/5 కొన్ని పాత్ర‌లు, టైటిళ్లు... ఆయా న‌టీన‌టుల కెరీర్‌ల‌కు బ్రాండ్ అంబాసిడ‌ర్లుగా మారిపోతుంటాయి. 'డీజే టిల్లు' అలాంటిదే. ఈ సినిమా 'మామూలు' సిద్దు జొన్న‌ల‌గ‌డ్డ‌ని 'స్టార్...

HOT NEWS

css.php
[X] Close
[X] Close