న‌రేష్ @ మ‌హేష్ రూమ్మెట్

మ‌హేష్ 25వ సినిమాలో అల్ల‌రి న‌రేష్ అన‌గానే.. ఆస‌క్తి మొద‌లైంది. ఓ హీరో సినిమాలో సైడ్ క్యారెక్ట‌ర్ చేయ‌డం న‌రేష్‌కి ఇదే తొలిసారి. దాంతో న‌రేష్‌కి ఎలాంటి పాత్ర ద‌క్కిందో, అదెలా ఉండ‌బోతోందో అనే చ‌ర్చ మొద‌లైంది. మ‌హేష్ – న‌రేష్ ఇద్ద‌రూ అన్న‌ద‌మ్ములుగా క‌నిపిస్తార‌ని కొంద‌రు, బావా బామ్మ‌ర్థి అని కొంద‌రు చెప్పుకున్నారు. అయితే… ఇవేం కాద‌ని మ‌హేష్‌, న‌రేష్ ఇద్ద‌రూ రూమ్మెట్స్‌గా క‌నిపిస్తార‌ని స‌మాచారం. మ‌హేష్ ఎంబీఏ విద్యార్థిగా న‌టిస్తున్న సంగ‌తి తెలిసిందే. హాస్ట‌ల్లో మ‌హేష్ గ‌దిని పంచుకునే స్నేహితుడిగా న‌రేష్ క‌నిపిస్తాడ‌ట‌. అయితే ఈ పాత్ర‌కు చాలా ప్రాధాన్యం ఉంద‌ని, నరేష్ పాత్ర‌ ఫిల‌సాఫిక‌ల్ ట‌చ్‌తో సాగుతుంద‌ని తెలుస్తోంది. త్రీ ఈడియ‌ట్స్‌లో అమీర్‌ఖాన్ రూమ్మెట్ గా న‌టించిన మాధ‌వ‌న్ పాత్ర‌కు ఎంత‌టి ప్రాధాన్యం ఉంటుందో. ఈసినిమాలో న‌రేష్ పాత్ర‌కు అంత ప్రాధాన్యం ఉంటుంద‌ట‌. వంశీ పైడిప‌ల్లి ద‌ర్శ‌క‌త్వం వ‌హిస్తున్న ఈ చిత్రానికి అశ్వ‌నీద‌త్‌, దిల్‌రాజు నిర్మాత‌లుగా వ్య‌వ‌హ‌రిస్తున్న‌రు. 2019 సంక్రాంతికి ఈ చిత్రం విడుద‌ల‌య్యే అవ‌కాశం ఉంది.