శ్రీనివాస కళ్యాణం మొదలైంది

”పెళ్ళి అనేది కేవలం ఓ కార్యక్రమం కాదు. అందమైన జ్ఞాపకం” అంటోంది ‘శ్రీనివాస కళ్యాణం’ యూనిట్! నితిన్ హీరోగా… రాశీ ఖన్నా, నందితా శ్వేతా హీరోయిన్లుగా సతీష్ వేగేశ్న దర్శకత్వంలో దిల్ రాజు ప్రొడక్షన్ శ్రీ వెంకటేశ్వర క్రియేషన్స్ నిర్మిస్తున్న సినిమా ‘శ్రీనివాస కళ్యాణం’. ప్రతి జంట జీవితంలో అందమైన జ్ఞాపకంగా నిలవాల్సిన కళ్యాణం ఎంత మధురంగా ఉండాలో చెప్పడం కోసం వెండితెరపై ఆవిష్కరించడానికి యూనిట్ సభ్యులు అందరూ సిద్ధమయ్యారు. ఆదివారం ఈ సినిమా షూటింగ్ మొదలైంది. ‘శతమానం భవతి’ తర్వాత సతీష్ వేగేశ్న దర్శకత్వంలో దిల్ రాజు నిర్మిస్తున్న చిత్రమిది. ‘శతమానం భవతి’కి సంగీతం అందించిన మిక్కీ జే మేయర్ ఈ సినిమాకీ సంగీతం అందిస్తున్నారు. షూటింగ్ మొదలైన సందర్భంగా విడుదల చేసిన టైటిల్ లోగో పోస్టర్ ను పెళ్ళి కళ ఉట్టిపడేలా డిజైన్ చేశారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com