అలా మొదలైంది సినిమాతో దూసుకొచ్చిన బెంగుళూరు నటి నిత్యామీనన్ రెగ్యులర్ హీరోయన్స్‌తో పోలిస్తే సంథింగ్ స్పెషల్ అనిపించేలా ఉంటుంది. మాస్ కమ్యూనికేషన్స్ చదివిన నిత్యాకు స్పెసిఫిక్ ఆలోచనలు ఉన్నాయి. కేవలం డబ్బు కోసమే సినిమాలు చేసే టైప్ అయితే అస్సలు కాదు. తను సెలక్ట్ చేసుకునే సినిమాల్లో కూడా ఎంతో కొంత విషయం ఉంటుంది. అందుకే తనతో వర్క్ చేసిన హీరోలు, డైరెక్టర్స్ కూడా నిత్యామీనన్‌కి మా కథ చాలా నచ్చిందని స్పెషల్‌గా చెప్పుకుంటారు. మళ్ళీ మళ్ళీ ఇది రాని రోజు, ఒకె బంగారం, గుండెజారి గల్లంతయ్యిందే, ఒక్క అమ్మాయి తప్ప…ఇలా నిత్యా నటించిన సినిమాలలో ఎక్కువ భాగం కథాబలమున్న సినిమాలే. అలాగే బెంగుళూర్ డేస్ లాంటి మంచి సినిమాలలో చిన్న చిన్న క్యారెక్టర్స్‌లో కనిపించడానికి కూడా వెనుకాడలేదు నిత్య.
ఈ రోజు రిలీజ్ అయిన 100డేస్ ఆఫ్ లవ్ సినిమా కూడా మళ్ళీ మళ్ళీ ఇది రాని రోజు, ఒకె బంగారం స్టైల్‌లోనే ఉంది. సింపుల్ లవ్ స్టోరీనే కానీ తన సినిమా ఓ పెయింటింగ్‌లా ఉండాలన్న డైరెక్టర్ తపన మాత్రం ప్రతి ఫ్రేమ్‌లోనూ కనిపించింది. అలాగే హీరో దుల్కర్ సల్మాన్‌తో పాటు నిత్యా నటన కూడా బాగుంది. అన్నింటికీ మించి సినిమాలో కామెడీని ఇంక్లూడ్ చేసిన విధానం మాత్రం ప్రేక్షకులకు నచ్చింది. అందుకే ఈ రోజు రిలీజ్ అయిన సినిమాలన్నింటిలోకి 100 డేస్ ఆఫ్ లవ్ సినిమాకి మంచి టాక్ వస్తోంది. కొంచెం స్లోగా ఉందన్న మైనస్ పాయింట్ పక్కన పెడితే మంచి సినిమా అనే చెప్తున్నారు. కథల సెలక్షన్‌లో తన టేస్ట్ చాలా బాగుంటుందని మరోసారి ప్రూవ్ చేసుకుంది నిత్య.
