పవన్‌కి టైం లేదు.. ఇక పోరాటయాత్రల్లేవ్..!

పవన్ కల్యాణ్ పార్టీ పెట్టి ఎన్ని సంవత్సరాలైంది..?. ఐదేళ్లు దాటిపోయింది. ఇప్పటికీ.. నాకు సమయం సరిపోవడం లేదు… అని కారణం చెబితే.. ఆయనను ఏమనాలి..?. సీరియస్ పొలిటిషియన్‌గా గుర్తించాలా…?. పార్ట్ టైమ్ పొలిటిషియన్ అనుకోవాలా..? ప్రణాళిక లేని… నిర్లక్ష్య రాజకీయ నేత అనుకోవాలా..? లేక… గాలి వాటం మనిషి అనుకోవాలా..? ఏదైనా అనుకోవాల్సిందే. ఎందుకంటే.. పవన్ కల్యాణ్ తన.. పని చేయలేకపోవడానికి… పోటీ చేయలేకపోవడానికి మరో సారి కారణంగా సమయాన్ని చూపించారు.

పోరాటయాత్ర బంద్..! టైం లేకపోవడమేనట…!

ఆంధ్రప్రదేశ్‌లో ఎన్ని జిల్లాలున్నాయి…? పదమూడు జిల్లాలున్నాయి. ఈ పదమూడు జిల్లాలో తిరగడానికి కూడా.. పవన్ కల్యాణ్‌కు సమయం సరిపోలేదు. పోరాటయాత్ర చేస్తా.. కవాతు ద్వారా.. రాజకీయం చేస్తా.. అంటూ బయలుదేరాడు కానీ..ఐదు జిల్లాలు తిరిగే సరికే.. సమయం మొత్తం గడిచిపోయింది. ఇప్పుడు ఎన్నికలు ముంగిటకు వచ్చేశాయి కాబట్టి.. పోరాటయాత్ర నిలిపివేసి.. ఆయన జిల్లాలో అంశాల వారీ సమస్యలు తీసుకుని పర్యటించాలని అనుకుంటున్నారట. కనీసం పదమూడు జిల్లాల్లో పర్యటించలేని రాజకీయ నేత… ఎవరైనా ఉన్నారా అంటే.. అది పవన్ కల్యాణే. కనీసం.. ఐదేళ్ల కాలంలో.. తన పార్టీ ఏమిటి..? తన పార్టీ పరిస్థితి ఏమిటి..? ఏ జిల్లాల్లో ఏంటి పరిస్థితి అని.. కనీసం ఓ సారి ఆయా జిల్లాలకు వెళ్లి వ్యవహారాలు చక్కబెట్టుకోలేని రాజకీయ నేత… ఒక్క పవన్ కల్యాణ్ మాత్రమే అవుతారు.

ఓ ప్రణాళిక లేకుండా రాజకీయాలు ఎలా చేస్తారు..?

పవన్ కల్యాణ్ కాల్షీట్లకు అలవాటు పడిపోయారు. సంవత్సరాల తరబడి సినిమాలు తీయడం ఆయనకు అలవాటైపోయింది. దానికి ప్లానింగ్ లేదు. ఎప్పుడు డుమ్మా కొట్టాలనుకుంటే.. అప్పుడు డుమ్మాకొట్టేస్తారు. పోరాటయాత్రను కూడా అంతే చేశారు. ఎంత తీరుబడిగా చేసినా… పోరాటయాత్రకు ఒక్కో జిల్లాకు ఒక్క నెల అంటే… చాలా ఎక్కువగా ఒక్కో నియోజకవర్గంలో మూడు, నాలుగు రోజులు కేటాయించవచ్చు. కానీ పవన్ కల్యాణ్… నియోజకవర్గానికి రోజు కూడా కేటాయించలేదు. కానీ.. సమయం గడిచిపోయింది. గత మేలో… శ్రీకాకుళం జిల్లాలో పోరాటయాత్ర చేశారు. నియోజకవర్గానికి ఒక్క రోజు కేటాయించినా.. ఈ పాటికి.. ఏపీ మొత్తం తిరిగేసి ఉండేవారు. ఉత్తరాంధ్రతో పాటు ఉభయగోదావరి జిల్లాలు తిరిగేసి.. ఇక సమయం లేదని… కాళ్లు చాపి కూర్చోవడం.. ప్రణాళిక లేని రాజకీయం అవుతుంది. కనీసం.. పార్టీ కార్యక్రమాల్ని… కూడా.. రాష్ట్రవ్యాప్తంగా నిర్వహించలేనంతగా పరిస్థితులు ఉంటే.. ప్రజలు ఎలా నమ్ముతారు..?

అందరికీ ఒకే టైమండి పవన్ గారూ..!

రాజకీయ నేతల్లో సమయం లేదనే కారణం బహుశా… ఒక్క పవన్ కల్యాణే చెబుతారు కావొచ్చు. అధికారంలో ఉన్నా .. ప్రతిపక్షంలో ఉన్నా… సమయంతో పోటీ పడి రాజకీయాలను చక్క బెట్టుకోవాలి. అందే కానీ.. ప్రతీ దానికి సమయం లేదని… తప్పించుకోవడం రాజకీయం అనిపించుకోదు. టీడీపీ అధినేత చంద్రబాబు.. ఓ వైపు ప్రభుత్వ వ్యవహారాలను చక్కబెట్టుకుంటూనే… పార్టీని నడుపుతున్నారు. ఆయన ఒక్కో జిల్లాకు పదుల సార్లు వెళ్లారు. దాదాపుగా అన్ని నియోజకవర్గాలు చుట్టబెట్టారు. జగన్మోహన్ రెడ్డి పాదయాత్ర యాత్ర ద్వారా మెజార్టీ నియోజకవర్గాల్లో నడిచారు. మరి ఇద్దరితో పోలిస్తే.. పవన్ కల్యాణ్.. ఏమంత బిజీగా ఉన్నారు. అయినా… పవన్ కల్యాణ్ ఎందుకు… సగం జిల్లాలను కూడా కవర్ చేయలేకపోయారు.

పోరాటయాత్రలు జరిగిన తీరు… ఆపేసిన తీరు చూస్తూంటే.. పవన్ కల్యాణ్.. ఏదో కారణం చెప్పి… అసలు సవాళ్ల నుంచి తప్పించుకున ప్రయత్నం చేస్తున్నారని మాత్రం క్లారిటీ వస్తుంది. రాజకీయాల్లో… పోరాడేవాడికే విలువ ఉంటుంది కానీ.. పారిపోయేవాడికి.. సాకులు చెప్పేవారికి ఉండదు. ఆ విషయం పవన్ కల్యాణ్ తెలుసుకోవాల్సి ఉంది..

–సుభాష్

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close