పాత విమర్శకు ప్రాణం

చంద్రబాబు నాయుడు ముఖ్యమంత్రిగా వుంటే వ్యవసాయాన్ని పట్టించుకోరన్నది గతంలోని విమర్శ. వ్యవసాయం దండగ అని ఆయన అన్నారనేది బలంగా ప్రచారంలోవుండటంతో టిడిపి నేతలు పదేపదే తామే దాన్ని ప్రస్తావించి ఖండిస్తుంటారు. 2014 ఎన్నికలకు ముందు ఆయన స్వయంగా ఇందుకు సమయం కేటాయించేవారు. దాన్నుంచి బయిటపడేందుకే రైతు రుణమాపీని గొప్పగా ప్రచారం చేసుకున్నారు. అంతకు ముందు పదవీ కాలంలో వలె గాక ఈ సారి నీటి ప్రాజెక్టులకోసం తిరుగుతున్నారు. ఇన్ని చేసిన చంద్రబాబు తాజాగా జరిగిన కలెక్టర్ల సమావేశానికి ముందు అధికారికంగా మళ్లీ అచ్చంగా ఇలాటి విమర్శలకే అవకాశమిచ్చారు. రైతులను వ్యవసాయం నుంచి పరిశ్రమలకు తరలిస్తే జిడిపి 1.5 శాతం పెరుగుతుందని ఒక లెక్క వేశారు. దానివల్ల వారంతా పారిశ్రామిక రంగంలోకి అడుగుపెడతారని ఆయన ఉద్దేశం. వ్యవసాయ రంగంలో కన్నా సర్వీసు రంగంలో దాదాపు 4 రెట్లు, పారిశ్రామిక రంగంలో 5 రెట్లు ప్రయోజనం కలుగుతుందని సర్కారు అంచనా వేసింది. ఇందుకు తగినట్టే కలెక్టర్ల సమావేశంలోనూ ముఖ్యమంత్రి ఇలాటి సంకేతాలిచ్చారు. డ్రైవర్‌ లేని ట్రాక్టర్ల వంటివి వచ్చాక వ్యవసాయంలో ఉపాధి తగ్గుతుందన్నారు. కోటి ఎకరాలను ఉద్యాన పంటల వైపు మారిస్తే బాగుంటుందని సూచించారు. నిజానికి ఈ ఏడాది జిఎస్‌డిపి జాతీయ సగటు కన్నా ఎపిలో ఎక్కువగా వుందని ముఖ్యమంత్రి చెప్పుకోవడానికి మూలం వ్యవసాయ అనుబంధ ఉత్పత్తులే. రొయ్యల ఉత్పత్తి 42 శాతం నుంచి 66.86 శాతానికి పెరిగింది. మరోవైపున తెలంగాణ నుంచి బియ్యం దిగుమతి చేసుకోవలసిన పరిస్థితి ఏర్పడింది. భూసేకరణ జోరు, రుణమాఫీ మూడవ విడతలో ఆలస్యం, బ్యాంకులు రైతులకు ఇవ్వాల్సిన రుణాల లక్ష్యం 17శాతం దాటకపోవడం ఇవన్నీ కలసి వ్యవసాయాన్ని ఇబ్బందులలోకి నెట్టాయి. పంటల గిట్టుబాటు ధరల సమస్య వంటివి వుండనే వున్నాయి.ఇలాటి పరిస్థితుల్లో చంద్రబాబు ప్రభుత్వం వ్యవసాయం నుంచి మరల్చడం అనడం ద్వారా పాత విమర్శలు పైకి రావడానికి ప్రేరణ ఇచ్చారన్నమాట. పారిశ్రామిక పెట్టుబడులు పెద్దగా రాని ఎపిలో వ్యవసాయం కూడా దెబ్బతింటే ఏం చేయాలన్నది పెద్ద సవాలే.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close