ఎట్ట‌కేల‌కు ‘మ‌హానాయ‌కుడు’ షూటింగ్ పూర్త‌యింది. ఈరోజు హైద‌రాబాద్‌లోని సార‌ధి స్టూడియోలో తెర‌కెక్కించిన కొన్ని స‌న్నివేశాల‌తో ఈ షూటింగ్‌కి శుభం కార్డు ప‌డింది. చిత్ర‌బృందం గుమ్మ‌డి కాయ కొట్టేసి… ‘మ‌మ’ అనిపించేశారు. నిజానికి జ‌న‌వ‌రి 22నాటికే షూటింగ్ పూర్త‌వ్వాల్సింది. కానీ.. `క‌థానాయ‌కుడు` ఎఫెక్ట్‌తో `మ‌హానాయ‌కుడు`లో మార్పులు మొద‌లెట్టారు. రిపేర్ల పేరుతో రీషూట్లు జ‌రిపి, కొత్త స‌న్నివేశాల్ని తెర‌కెక్కించేస‌రికి.. షూటింగ్ ఆల‌స్య‌మైపోయింది. దాంతో పాటు విడుద‌ల తేదీలోనూ మార్పులొచ్చాయి. ఫిబ్ర‌వ‌రి తొలివారంలో విడుద‌ల కావ‌ల్సిన సినిమా ఇది. ఇప్పుడు మార్చి 1న వ‌స్తోంద‌ని టాక్‌. విడుద‌ల తేదీ ఎప్పుడ‌న్న విషయంలో చిత్ర‌బృందం ఇంకా ఓ క్లారిటీకి రాలేదు. రాబోయే ఒక‌ట్రెండు రోజుల్లో ఎన్టీఆర్ టీమ్ నుంచి విడుద‌ల తేదీని అధికారికంగా ప్ర‌క‌టించే అవ‌క‌శం ఉంది. అంతే కాదు… ఓ ట్రైల‌ర్‌నీ విడుద‌ల చేయ‌డానికి క్రిష్ ప్ర‌య‌త్నిస్తున్నారు. ఆ ట్రైల‌ర్ ఎప్పుడు చూపిస్తారో కూడా త్వ‌ర‌లోనే తెలుస్తుంది.
మ‌హానాయ‌కుడు… స‌మాప్తం
