రోజుల తరబడి తీసిందే తీస్తారని, ఓ పట్టాన షాట్ ఓకే చేయరని త్రివిక్రమ్‌పై ఓ విమర్శ వుంది. గతంలో ఆయన తీసిన సినిమాలు నెలల తరబడి, ఏడాది లేదా రెండేళ్లు నిర్మాణంలో వున్నవే. వీటికి తోడు ‘అజ్ఞాతవాసి’ ఆడియోలో నిర్మాతల చేత తాను కొంచెం ఎక్కువే ఖర్చు చేయిస్తానని స్వయంగా త్రివిక్రమ్ చెప్పారు. అందువల్ల త్రివిక్రమ్ మీద విమర్శలు పలువురు నిజమే అనుకున్నారు. సదరు విమర్శలకు చెక్ పెడుతూ ‘అరవింద సమేత… వీరరాఘవ’ షూటింగును చకచకా పూర్తి చేస్తున్నారు. తొలి షెడ్యూల్‌లో ఎన్టీఆర్‌పై ఫైట్ తీసిన త్రివిక్రమ్, ప్రస్తుతం హైదరాబాద్‌లో జరుగుతోన్న మలి షెడ్యూల్‌లో ఫ్యామిలీ నేపథ్యంలో వచ్చే సన్నివేశాలను తెరకెక్కిస్తున్నారు. త్రివిక్రమ్ స్పీడుకి ఎన్టీఆర్ జెట్ స్పీడ్ తోడు కావడంతో షూటింగ్ పరుగులు పెడుతోందని చెబుతున్నారు. ఉదయం ఏడు గంటలకు ఫస్ట్ షాట్ ప్లాన్ చేస్తే… ఎన్టీఆర్ అరగంట ముందే సెల్‌లోకి వ‌స్తున్నార్ట. త్రివిక్రమ్‌తో కాసేపు సీన్స్ డిస్కస్ చేసి టైమ్ ప్రకారం షూటింగ్ చేస్తున్నారని తెలిసింది. అసలే సింగిల్ టేక్ ఆర్టిస్ట్ కావడంతో షూటింగ్ యమా స్పీడుగా జరుగుతోంది. సెప్టెంబర్ కల్లా షూటింగ్ పూర్తి చేయాలనేది ప్లాన్. తరవాత రాజమౌళి సినిమా షూటింగులో ఎన్టీఆర్ జాయిన్ కావాలి.
అరగంట ముందే సెట్‌లోకి ఎన్టీఆర్…
