హైదరాబాద్: బ్రిటన్ ప్రభుత్వ వీసా అండ్ ఇమ్మిగ్రేషన్ విభాగంవారి సేమ్ డే సూపర్ ప్రయారిటీ వీసా(ఎస్‌పీవీ) పథకం బ్రహ్మాండంగా హిట్ అయి కూర్చుంది. ఇండియాలోని వ్యాపార వర్గాలు ఈ వీసాను విస్తృతంగా వినియోగించుకుంటున్నాయని బ్రిటన్ వీసా అండ్ ఇమ్మిగ్రేషన్ విభాగం స్థానిక అధికారులు చెబుతున్నారు. ప్రపంచంలోనే ఇలాంటి పథకాన్ని భారత్‌లోనే మొదటిసారి ప్రవేశపెట్టామని తెలిపారు. బ్రిటన్ ప్రధాని డేవిడ్ కేమరన్ 2013లో తన భారత పర్యటనలో ఈ పథకాన్ని ప్రారంభించారు. మొదట ఢిల్లీ, ముంబాయి నగరాలలో తర్వాత చెన్నైలో ప్రవేశపెట్టారు. భారత్ తర్వాత చైనా, బ్రెజిల్, టర్కీ, యునైటెడ్ అరబ్ ఎమిరేట్స్, దక్షిణాఫ్రికా దేశాలలో ఈ పథకాన్ని ప్రారంభించారు. పథకం ప్రారంభించిన నాటినుంచి ఇప్పటివరకు 1,300 మంది భారతీయులు ఉపయోగించుకున్నారని అధికారులు వెల్లడించారు. సాధారణంగా వీసాకు అయ్యే ఖర్చులకు అదనంగా రు.60,000 కట్టించుకుని దరఖాస్తు చేసిన రోజే వీసా మంజూరు చేస్తున్నామని తెలిపారు.
రు.60 వేలు కడితే బ్రిటన్‌కు ఒక్కరోజులో వీసా
