అఖిలప్రియ నిశ్చితార్థంపై ఇంత రాజకీయం అవసరమా…?

ఆంధ్రప్రదేశ్ పర్యాటక మంతి అఖిలప్రియ… వివాహ నిశ్చితార్థం.. కుటుంబసభ్యుల మధ్య అత్యంత నిరాడంబరంగా జరుపుకున్నారు. తొలి వివాహం విఫలమవడం.. తనకు కాబోయే భర్తకు కూడా… రెండో వివాహం కావడం వల్లనేమో కానీ.. ఎక్కడా ఈ విషయాన్ని బహిరంగపర్చకుండా… ప్రైవేటుగా నిశ్చితార్థం పూర్తి చేసుకున్నారు. ఫోటోలను వారే మీడియాకు విడుదల చేశారో.. లేక వేరే విధంగా లీక్ అయ్యాయో తెలియదు కానీ… ఒక్కసారిగా ఆమె నిశ్చితార్థం ఆన్‌లైన్ లో వైరల్ అయిపోయింది. అప్పటి వరకూ.. గంట గంటకు కర్ణాటక పోలింగ్ పర్సంటేజీ ఎంతో లెక్కలు చూసుకున్న ఏపీలోని రెండు పార్టీల అభిమానులు కూడా కాసేపటికే .. దాన్ని మర్చిపోయి.. అఖిలప్రియ నిశ్చితార్థంపై పడ్డారు.

రకరకాల పోస్టులు, కామెంట్లు, వరుడెవరు… ఆయన బ్యాక్ గ్రౌండేమిటి… మొత్తం అప్పటికప్పుడు వెలికి తీసే పనిలో పడ్డారు. వీలైనంతగా… వ్యవహారాన్ని రాజకీయం చేసేశారు. మంత్రి నారాయణ అల్లుడికి తమ్ముడని ప్రచారం జరగడంతో… ఇక అడ్డే లేదనుకున్నారు. మాజీ డీజీపీకి మేనల్లుడు.. కాదు మాజీ అల్లుడని చర్చ పెట్టారు. చివరికి… నిశ్చితార్థానికి చంద్రబాబును ఎందుకు పిలువలేదని.. కోడిగుడ్డు మీద ఈకలు పీకడానికి కూడా కూహనా మేధావులు …కోడిబుర్ర పెద్దలు.. ఏ మాత్రం సంకోచించలేదు.

ఆమె మంత్రి కాబట్టి.. ఎలాగైనా విమర్శిస్తాం.. పబ్లిక్‌లోకి వస్తే ఏమైనా అంటాం… అని విప్లవ వాక్యాల్ని గుర్తు చేసుకుంటే అంత కన్నా భావదారిద్ర్యం ఏమీ ఉండదు. అఖిలప్రియ వ్యక్తిగత జీవితాన్ని ప్రజల ఎంటర్‌టెయిన్‌మెంట్‌ కోసం కేటాయించలేదు. ఆమెకు వ్యక్తిగత జీవితం ఉంటుంది. అందులో ఇష్టాలుంటాయి. కష్టాలుంటాయి. అన్నింటినీ రాజకీయం చేద్దామనుకోవడం మనుషుల లక్షణం కాదు. నిజానికి అఖిలప్రియ వ్యక్తిగత జీవితంలో ఎన్నో ఆటుపోట్లు ఎదుర్కొని కూడా ఆమె ధైర్యంగా ముందడుగు వేస్తున్నారు. అలాంటి వనిత వ్యక్తిగత జీవితాన్ని రాజకీయం చేయడం… సమాజానికి శోభనివ్వదు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close