వీఎఫ్ఎక్స్ ప‌నులు జ‌రుపుకుంటున్న ‘ఆర్‌.ఆర్‌.ఆర్‌’

లాక్ డౌన్ వ‌ల్ల ప్ర‌పంచం స్థంభించిపోయింది. సినిమా ప‌నులూ ఎక్క‌డిక‌క్క‌డ ఆగిపోయాయి. షూటింగులు బంద్ అయ్యాయి. అయితే కొన్ని సినిమాలు మాత్రం సైలెంట్ గా పోస్ట్ ప్రొడ‌క్ష‌న్ ప‌నులు జ‌రుపుకుంటున్నాయి. అందులో `ఆర్‌.ఆర్‌.ఆర్‌` కూడా ఉంది. ఈ సినిమాకి సంబంధించిన వీఎఫ్ఎక్స్ ప‌నులు జ‌రుగుతున్నాయ‌ని రాజ‌మౌళి క్లారిటీ ఇచ్చేశారు. ప్ర‌పంచంలోని వివిధ స్టూడియోలకు ఈ సినిమాకి సంబంధించిన వీఎఫ్ఎక్స్ ప‌నులు అప్ప‌గించారు. అందులో కొన్ని లాక్ డౌన్ వ‌ల్ల ప‌నులు చేయ‌డం లేదు. అయితే కొన్ని సంస్థ‌లు వ‌ర్క్ ఫ్రమ్ హోం విధానంలో ప‌నిచేస్తుంటాయి క‌దా. అలాంటి సంస్థ‌ల్లో వీఎఫ్ఎక్స్ ప‌నులు జ‌రుగుతున్నాయి. వీడియో కాన్పిరెన్స్ ద్వారా మాట్లాడుతూ.. త‌న‌కు ఎలాంటి ఎఫెక్ట్స్ కావాలో అవ‌న్నీ ఆన్ లైన్ ద్వారానే చెబుతున్నాడ‌ట రాజ‌మౌళి. ఇప్ప‌టికి 75 శాతం షూటింగ్ పూర్త‌యింద‌ని, అనుకున్న స‌మ‌యానికే సినిమాని విడుద‌ల చేయ‌గ‌ల‌మ‌ని ఆశాభావం వ్య‌క్తం చేశాడు రాజ‌మౌళి. ఎన్టీఆర్ పుట్టిన రోజున కూడా ఓ టీజ‌ర్ వ‌స్తుంద‌ని హింట్ ఇచ్చాడు. అందుకు సంబంధించిన ప‌నులూ జ‌రుగుతున్నాయ‌ట‌. ఆర్‌.ఆర్‌.ఆర్ విష‌యంలో ఫ్యాన్స్ రిలాక్స్ అయిపోవొచ్చిక‌.