ఆకాశ్ పూరి… కొంచెం ఓవర్ అయిందేమో?

తనయుడు ఆకాశ్ పూరిని హీరోగా ఇంట్రడ్యూస్ చేస్తూ తీసిన ‘మెహబూబా’ ప్రెస్‌మీట్‌కి పూరి జగన్నాథ్ హాజరు కాలేదు. తనయుడి సినిమాకి దర్శకత్వం వహించడంతో పాటు ఆయనే నిర్మించారు. ఆల్రెడీ సినిమాను చూసిన ‘దిల్’ రాజు ప్రపంచవ్యాప్తంగా విడుదల చేయడానికి హక్కులు కొనేసుకున్నారు. ఇటీవల పూరి తీసిన సినిమాల కంటే ట్రైలర్ బాగుంది. కానీ, ట్రైలర్‌తో ఇంట్రెస్ట్ క్రియేట్ చేసిన పూరి థియేటర్లలో ప్రేక్షకుల్ని డిజప్పాయింట్ చేసిన సందర్భాలు వున్నాయి. అయితే… దానికి తోడు ‘దిల్’ రాజు సినిమా కొన్నారు అనేసరికి సినిమాపై క్రేజ్ కొంచెం పెరిగింది. సినిమా పనుల్లో వున్నారో… మరొకటో… పూరి ప్రెస్‌మీట్‌కి రాలేదు. తనయుడు ఆకాశ్ పూరి మాత్రం ప్రెస్‌మీట్‌లో ఓ పెద్ద మాట మాట్లాడాడు.

“అందరూ మీ నాన్న నిన్ను హీరోగా లాంచ్‌ చేస్తున్నారు. నువ్వు వెరీ లక్కీ అంటున్నారు. కానీ, ‘మెహబూబా’ లాంటి గొప్ప సినిమాతో మా నాన్నని నేను లాంచ్‌ చేస్తున్నానని గర్వంగా చెప్పగలను” అని ఆకాశ్ పూరి భారీ స్టేట్మెంట్ ఇచ్చాడు. పూరి జగన్నాథ్ సినిమాలు ఆశించిన రీతిలో హిట్ కాకున్నా… దర్శకుడిగా పూరి సరిగా తీయకున్నా… వినిపించే మాట ఒక్కటే. ‘మనసు పెడితే పూరి మంచి సినిమా తీయగలడు’ అని. పూరి మాత్రం హిట్ సినిమాలకు, ప్లాప్ సినిమాలకు ఒకే రకంగా కథ రాశానని అంటుంటారు. తనయుడిని హీరోగా పరిచయం చేసే సినిమా కావొచ్చు లేదా వరుస పరాజయాల తరవాత తనను తాను నిరూపించుకోవాలనే కసి కావొచ్చు… ‘మెహబూబా’పై పూరి ప్రత్యేక శ్రద్ధ తీసుకుని వుంటారని ఆశించవచ్చు. అయితే… తండ్రిని రీ లాంచ్ చేస్తున్నానని ఆకాశ్ పూరి ఇచ్చిన స్టేట్మెంట్ కొంచెం ఓవర్ అయిందేమోనని ప్రేక్షకులు అభిప్రాయపడుతున్నారు. ఆకాశ్ పూరికి తండ్రి ప్రతిభపై, తన నటనపై, సినిమాపై విశ్వాసమా? అతి విశ్వాసమా? మే11న సినిమా విడుదలయ్యాక తెలుస్తుంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close