ఉస్మానియాలో సైతం కెసిఆర్ జలయజ్ఞం అంటూ సెటైర్లు

వందేళ్ళ చరిత్ర కలిగిన ఉస్మానియా ఆసుపత్రి లో నిన్నటి భారీ వర్షాల కారణంగా దయనీయమైన పరిస్థితి ఏర్పడిన సంగతి తెలిసిందే. ఆస్పత్రిలో కే కాకుండా జనరల్ వార్డ్ లో కి సైతం మురుగునీరు చేరి, రోగులు ఆ మురుగు నీటి తో నే సహవాసం చేయవలసిన పరిస్థితి ఏర్పడింది. రోగులతో పాటు వారికి సహాయం కోసం ఉన్న వారి బంధువులు సైతం ఆ మురుగు నీటిలో కూర్చోలేక నిలబడలేక తీవ్రమైన ఇబ్బందులు ఎదుర్కొంటున్నారు. నిలబడడానికి స్థలం లేక నర్సులు ఆస్పత్రి బయటకు వచ్చి నిలబడ్డ పరిస్థితి. వైద్య సిబ్బంది సైతం మురుగు నీటి కారణంగా తీవ్ర ఇబ్బంది ఎదుర్కొన్నారు. ఇదంతా ఒక ఎత్తయితే కరోనా నివారణ కోసం ఏర్పాటు చేసిన పి పి ఈ కిట్లు వర్షపు నీటిలో కొట్టుకుపోవడం చూస్తుంటే ఆస్పత్రి ప్రమాణాలు ఏ స్థాయిలో ఉన్నాయో అవగతమౌతుంది.

తమ ప్రభుత్వం ఏర్పడ్డాక తెలంగాణ అన్ని విషయాల్లో ఎంతో పురోగతి సాధించిందని డంబాలు పలుకుతున్న టిఆర్ఎస్ ప్రభుత్వం పై నెటిజన్లు సోషల్ మీడియాలో విమర్శలు కురిపించారు. టిఆర్ఎస్ ప్రభుత్వం చేస్తున్న జలయజ్ఞం ఉస్మానియా ఆస్పత్రికి సైతం చేరిందని, ఇదేదో ఉస్మానియా డ్యాం లాగా ఉంది చూడండి అని అంటూ ప్రభుత్వానికి చురకలంటించారు నెటిజన్లు. దాదాపు అన్ని చానల్స్ ని టిఆర్ఎస్ ప్రభుత్వం గుప్పిట్లో పెట్టుకొని ప్రభుత్వానికి ఎవరు వ్యతిరేకమైన ప్రోగ్రామ్స్ వేయకుండా చూస్తూ ఉండడంతో, టిఆర్ఎస్ ప్రభుత్వ తీరుపై విమర్శలు చేయాలంటే సోషల్ మీడియా మాత్రమే మార్గం గా కనిపిస్తున్న నేపథ్యంలో, నెటిజన్లు చేస్తున్న ఈ విమర్శలు సెటైర్లు వైరల్ అవుతున్నాయి.

కరోనా కారణంగా యావత్ ప్రపంచం హెల్త్ ఇన్ఫ్రాస్ట్రక్చర్ మీద దృష్టి సారించిన ఈ సందర్భంలో ఉస్మానియా ఆసుపత్రిలో ఏర్పడ్డ ఈ పరిస్థితి పై ఆరోగ్య శాఖ మంత్రి ఈటెల రాజేందర్ ఏవిధమైన చర్యలు తీసుకుంటారో వేచి చూడాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఏపీలో బీజేపీ అధికారంలోకి రావడం అవసరం  : రామ్మాధవ్

ఆంధ్రప్రదేశ్‌లో ప్రతిపక్ష స్థానం ఖాళీగా ఉందని..  దాన్ని భర్తీ చేయాలని బీజేపీ జాతీయ ప్రధానకార్యదర్శి రామ్‌మాధవ్ పార్టీ కార్యకర్తలకు పిలుపునిచ్చారు. సోము వీర్రాజు.. ఏపీ  బీజేపీ అధ్యక్షుడిగా బాధ్యతలు చేపడుతున్న కార్యక్రమంలో పాల్గొనేందుకు...

చిరు మాస్టర్ ప్లాన్

ఆచార్య త‌ర‌వాత‌.. భారీ లైన‌ప్ అట్టి పెట్టుకున్నాడు చిరంజీవి. ఓ వైపు బాబీకి ఓకే చెప్పిన చిరు, మ‌రోవైపు మెహ‌ర్ ర‌మేష్‌కి గ్రీన్ సిగ్న‌ల్ ఇచ్చాడు. ఇంకోవైపు వినాయ‌క్ తో సినిమా చేయ‌డానికి...

అఖిల్ – సురేంద‌ర్ రెడ్డి ఫిక్స్

`సైరా` త‌ర‌వాత సురేంద‌ర్ రెడ్డి ప్రాజెక్టు ఎవ‌రితో అన్న విష‌యంలో గంద‌ర‌గోళం నెల‌కొంది. అగ్ర హీరోలంతా బిజీ బిజీగా ఉండ‌డంతో.. సురేంద‌ర్ రెడ్డికి అనుకోని విరామం తీసుకోవాల్సివ‌చ్చింది. కొంత‌మంది కోసం క‌థ‌లు సిద్ధం...

సచివాలయం గాయబ్..!

దశాబ్దాల పాటు ఉమ్మడి రాష్ట్ర పాలనా కేంద్రంగా ఉన్న హైదరాబాద్‌ హుస్సేన్ సాగర్ ఒడ్డున ఉన్న భవనాలు నేలమట్టం అయ్యాయి. మొత్తం పదకొండు భవనాలను నామరూపాల్లేకుండా తొలగించేశారు. శరవేగంగా ఇరవై ఐదు...

HOT NEWS

[X] Close
[X] Close