డిఫరెంట్ గెట్అప్ తో వస్తున్న కబాలి సినిమా తరువాత రజనీ చేస్తున్న చిత్రం ‘రోబో 2. 0’. ఈ చిత్రం యావత్ సౌత్ ఇండియాలోనే కాకా, ప్రపంచ వ్యాప్తంగా మోస్ట్ ఆవైటెడ్ మూవీగా ఈ సినిమా సంచలనం సృష్టిస్తోంది. రజనీ, శంకర్ ల రోబో కాంబినేషన్ ను రిపీట్ చేస్తూ వస్తున్న ఈ చిత్రాన్ని దాదాపు 350 కోట్ల రూపాయల భారీ బడ్జెట్ తో ప్రముఖ నిర్మాణ సంస్థ లైకా ప్రొడక్షన్ (లండన్) నిర్మిస్తోంది. ఈ సినిమాకి ఏ. ఆర్ . రెహమాన్ సంగీతాన్ని అందిస్తుండగా రజనీ సరసన యామీ జాక్సన్ హీరోయిన్ గా నటిస్తోంది. 2017 లో ప్రేక్షకుల ముందుకు రాబోతున్న ఈ చిత్రం ప్రస్తుతం ఢిల్లీ లో షూటింగ్ జరుపుకుంటున్న ఈ చిత్రంలో బాలీవుడ్ స్టార్ అక్షయ్ కుమార్ విలన్ గా నటిస్తున్నాడు. విషయం ఏంటంటే…. గతం లో రోబో చిత్రం ఆడియో ఫంక్షన్ మలేసియా, కౌలాలంపూర్ లో ఎంతో ఘనగా జరుపుకుంది. అదే విధంగా ప్రస్తుతం తెలిసిన సమాచారం ప్రకారం ఈ సినిమా ఆడియో వేడుకను ఘనంగా లండన్ లో నిర్వహించాలని దర్శక నిర్మాతలు భావిస్తున్నట్లు తెలుస్తోంది. ఎందుకంటే లైకా ప్రొడక్షన్స్ హెడ్ ఆఫీస్ లండన్ లోనే ఉంది. అందుకే అన్నింటికీ అనుకూలంగా ఉంటుందని అక్కడ నిర్వహించాలనే ప్లాన్ లో ఉన్నారట నిర్మాత. కానీ ఎప్పుడూ అభిమానులకు పెద్ద పీఠ వేసే రజనీ తన అభిమానులకు దూరంగా ఎక్కడో లండన్ లో ఆడియో కార్యక్రమాన్ని చేయడానికి ఒప్పుకుంటారా లేదా అనేదే తేలాల్సిన విషయం.
రజని అక్కడి ఫంక్షన్ కి ఒప్పుకుంటాడో లేదో…?
