రకుల్ ప్రీత్ సింగ్.. మొన్న‌టి వ‌ర‌కు ల‌క్కీ హీరోయిన్. నిన్న‌టి వ‌ర‌కు అన్ ల‌క్కీ అమ్మ‌డు. 2015లో ఆమె న‌టించిన మూడు సినిమాలు ఫ్లాప్ కావ‌డంతో ఆమె మీద ఐర‌న్ లెగ్ ముద్ర ప‌డింది. పండ‌గ చేస్కో, కిక్ 2, బ్రూస్ లీ మూడు సినిమాలు మెగా ఫ్లాప్ లు కావ‌డంతో.. రకుల్ అన్ ల‌క్కీ అనే ట్యాగ్ త‌గిలించేశారు. అయితే ఇప్పుడు నాన్న‌కు ప్రేమ‌తో సినిమాకి హిట్ టాక్ రావ‌డంతో.. ఈ పంజాబీ భామ‌కి మ‌ళ్లీ పాత రోజులు వ‌స్తాయి. ఐర‌న్ లెగ్ ముద్ర తుడిచిపెట్టుకుపోతుంద‌ని ఆశ‌లు పెట్టుకుంది.
అస‌లు నాన్న‌కు ప్రేమ‌తో సినిమాలో విజ‌యం కోసం ఎంతో కృషిచేసింది రకుల్. తెలుగు నేర్చుకుని మ‌రీ.. ఎంతో క‌ష్ట‌ప‌డి.. త‌న పాత్ర‌కు తానే డ‌బ్బింగ్ చెప్పుకుంది. పైగా.. గ‌త సినిమాల్లా కాకుండా.. న‌ట‌న‌కు కూడా మంచి స్కోప్ ఉన్న క్యారెక్ట‌ర్ చేసింద‌ని ప్ర‌శంస‌లు కురిపిస్తున్నారు. ముఖ్యంగా సెంటిమెంట్ సీన్స్ లో రకుల్ న‌ట‌న.. అద్భుతం అంటున్నారు. దీంతో సినిమా సక్సెస్ పట్ల హీరో దర్శకుడు కన్నా రకుల్ ఎక్కువ హ్యాపీగా ఫీల్ అవుతోంది.
పైగా తెలుగు వారికి, టాలీవుడ్ కి సెంటిమెంట్ లాంటి సంక్రాంతి పండుగకి హిట్ తో ఖాతా తెర‌వ‌డంతో.. ఈ ఏడాది అంతా బావుంటుంద‌ని ఆశ‌లు పెట్టుకుంది. నాన్న‌కు ప్రేమ‌తో ఎఫెక్ట్ తో మ‌రిన్ని అవ‌కాశాలు వ‌స్తాయ‌ని అంచ‌నాలున్నాయి. రకుల్ ని హీరోయిన్ గా ఫిక్స్ చేద్దామ‌నుకున్న చాలా మంది ద‌ర్శ‌కనిర్మాత‌లు, హీరోలు కూడా.. ఈ సినిమా చూసి.. ఆ త‌ర్వాత ఓ నిర్ణ‌యం తీసుకుందామ‌నుకున్నారు. ఇప్పుడు ఎలాంటి డౌట్ లేకుండా అగ్రిమెంట్లు చేసుకోవ‌డానికి చాన్స్ ఉంది. అయితే.. దొరికిందే చాన్స్ అన్న‌ట్టుగా.. ఈ అమ్మ‌డు కూడా భారీగానే వ‌సూలు చేసేయ‌డం ఖాయం.
