రీ ఎంట్రీతో రష్మి హాట్ హాట్ స్టిల్స్ తో ట్రైలర్స్ తో రెచ్చగొట్టేసింది. ప్రవీణ్ సత్తారు దర్శకత్వంలో గుంటూర్ టాకీస్ సినిమాతో రష్మి ఇక క్రేజీ హీరోయిన్ అవ్వడం ఖాయం అనేసుకున్నారు. కాని నిన్న రిలీజ్ అయిన ఈ సినిమా చూస్తే రష్మి అసలు ఈ సినిమా ఎందుకు ఒప్పుకుంది అన్నది అర్ధకాక తలపట్టుకున్నారు ఆమె అభిమానులు. జబర్దస్త్ షోతో మంచి పాపులారిటీ సంపాధించిన రష్మి గుంటూర్ టాకీస్ లో ఓ అర్ధరహిత పాత్ర చేసింది అనే అనాలి.
సినిమాలో కొంచం విషయం ఉన్నట్టు అనిపించినా అది హీరోగా చేసిన సిద్ధు, సపోర్ట్ గా చేసిన సీనియర్ నటుడు నరేష్ లు చేసిన నటన వల్లే. ఇక గుంటూర్ టాకీస్ గురించి మొదటి నుండి హోప్స్ పెట్టుకున్న రష్మి మాత్రం ఇంప్రెస్ చేయలేకపోయింది. కేవలం తన సోయగాలతో ప్రేక్షకులను బుట్టలో వేసుకోవాలనే ప్రయత్నం చేసినా లాభం లేకుండా పోయింది. లిప్ లాక్స్, హాట్ సీన్స్ లో అమ్మడు ఎంత రెచ్చిపోయినా థియేటర్ నుండి బయటకు వచ్చే ప్రేక్షకుడు ఈ సినిమా రష్మి ఎందుకు ఒప్పుకుని ఉంటుంది అనే డౌట్ వస్తుంది.
తన అభిమానులను అన్ని కోణాల్లో సాటిస్ఫై చేయాలనే తాపత్రయంలో రష్మి అసలు నటన మీద దృష్టి పెట్టడం మానేసిందని చెప్పాలి. ఇక సినిమాలో ఆమె పాత్రకు ఎక్కువ డైలాగ్స్ కూడా రాయకుండా ఆమెకు అన్యాయం చేశాడు దర్శకుడు ప్రవీణ్ సత్తారు. మరి రష్మి హీరోయిన్ గా నెగ్గుకురావాలనుకుంటే స్కిన్ షోనే కాదు కాస్త కూస్తో నటనా ప్రాధాన్యత ఉన్న సినిమాల్లో చేయాలని గుర్తిస్తే మంచి లేదంటే అమ్మడు ఇక బుల్లితెర షోలకే శాశ్వతంగా పరిమితమవ్వాల్సి ఉంటుంది.
