న‌టుడిగా ర‌విబాబు పెద్ద‌గా ప్ర‌భావితం చేయ‌లేదు గానీ, ద‌ర్శ‌కుడిగా మాత్రం త‌న‌లోని వెరైటీ కోణాల్ని ఆవిష్క‌రిస్తూనే ఉన్నాడు. చిన్న బ‌డ్జెట్లో.. క‌ల‌ర్‌ఫుల్‌గా సినిమా తీయ‌డం ఎలాగో.. అల్ల‌రితో చూపించాడు. ప్ర‌తీ క‌థ, అందులో కాన్సెప్టులూ డిఫ‌రెంట్‌గా ఉండేలా డిజైన్ చేసుకొంటున్నాడు ర‌విబాబు. సినిమాలు ఫ్లాప్ అయినా, హిట్ట‌యినా… త‌న దారిలో తాను వెళ్తున్నాడు. తాజాగా ఇప్పుడో విభిన్న ప్ర‌య‌త్నం చేయ‌బోతున్నాడ‌ని టాక్‌. ఓ జంతువుతో ర‌విబాబు ఓ సినిమా తీశాడ‌ట. సినిమా అంతా ఆ జంతువు క‌నిపిస్తుంద‌ట. దాని చుట్టూ హీరో, హీరోయిన్ల పాత్ర‌లు కూడా సృష్టించాడ‌ట. రాజ‌మౌళి ఈగ‌తో సినిమా తీశాడు కదా.. ఆ స్ఫూర్తితో మ‌నోడు కూడా ఓ క‌థ అల్లేసుకొన్నాడ‌న్న‌మాట.
సాధార‌ణంగా హాలీవుడ్ సినిమాల‌నో, కొరియ‌న్ సినిమాల‌నో చూసి ఇన్‌స్పైర్ అయి సినిమాలు తీస్తుంటాడు ర‌విబాబు. ఈసారి ఏ క‌థ‌ని స్ఫూర్తిగా తీసుకొన్నాడు. ఇంకో షాకింగ్ విష‌యం ఏంటంటే.. ఇప్ప‌టికే ఈ సినిమా షూటింగ్ పూర్త‌యిపోయి, తొలికాపీ కూడా సిద్ధ‌మైపోయింద‌ట. ఎలాంటి హ‌డావుడి లేకుండా సినిమా మొద‌లెట్ట‌డం, దాన్ని పూర్తి చేయడం కూడా జ‌రిగిపోయాయ‌న్న‌మాట. మ‌రి ర‌విబాబు ప్ర‌యోగం ఏమేర‌కు అల‌రిస్తుందో తెలియాలంటే ఇంకొన్ని రోజులు ఆగాల్సిందే.
