ఢిల్లీ టూర్ క్యాన్సిల్..! నిజంగానే మోడీతో కేసీఆర్‌కు చెడిందా..?

తెలంగాణ ముఖ్యమంత్రి కేసీఆర్ పధ్నాలుగో తేదీన ఢిల్లీ వెళ్తారని.. పదిహేనో తేదీన.. నీతిఅయోగ్ సమావేశానికి హాజరవుతారని కొద్దిరోజులుగా ప్రచారం జరిగింది. కానీ కేసీఆర్ అలాంటి కార్యక్రమం ఏమీ పెట్టుకోలేదని.. నీతి అయోగ్ సమావేశానికి వెళ్లడం లేదని తాజాగా స్పష్టమయింది. సహజంగా.. నీతి అయోగ్ సమావేశానికి ముఖ్యమంత్రులందరూ హాజరవుతారు. రాజకీయంగా… తీవ్ర విబేధాలున్నా…. తమ రాష్ట్ర ప్రయోజనాల కోసమైనా.. ముఖ్యమంత్రులు వెళతారు. అయితే.. బెంగాల‌్ సీఎం మమతా బెనర్జీ మాత్రం… మోడీతో షేక్ హ్యాండ్ ఇవ్వడానికి కూడా సిద్ధంగా లేకపోవడంతో.. ఆమె క్యాన్సిల్ చేసుకున్నారు. మిగతా అన్ని రాష్ట్రాల సీఎంలు హాజరయ్యే అవకాశం ఉంది. కానీ.. కేసీఆర్ మాత్రం.. చివరి క్షణంలో డుమ్మాకొట్టారు. దీని కోసం ముందుగానే ప్లాన్ చేసుకున్నట్లుగా కార్యక్రమాలు నడుస్తున్నాయి.

మోడీతో కేసీఆర్ దూరం.. దూరం..!

ఇరవై ఒకటో తేదీన కాళేశ్వరం ప్రాజెక్ట్‌ ప్రారంభోత్సవానికి… మహారాష్ట్ర ముఖ్యమంత్రిని ఆహ్వానించేందుకు కేసీఆర్ ముంబై వెళ్లారు. అక్కడ ఆ పని చూసుకుని హైదరాబాద్ వచ్చేస్తున్నారు. కానీ ఢిల్లీకి మాత్రం వెళ్లడం లేదు. నీతి ఆయోగ్ సమావేశానికి తెలంగాణ తరపున ప్రతినిధులు వెళ్తారు కానీ.. తాను మాత్రం వెళ్లడం లేదు. రెండో సారి ప్రధానిగా ఎన్నికైన తర్వాత కేసీఆర్.. నరేంద్రమోడీని కనీసం ప్రశంసించను కూడా ప్రశంసించలేదు. ఆయన ప్రమాణస్వీకారానికి కూడా వెళ్లలేదు. జగన్ ప్రమాణస్వీకార కార్యక్రమానికి వచ్చి.. ఫ్లైట్ ల్యాండింగ్ కు అనుమతి దొరకలేదని హైదరాబాద్ వెళ్లిపోయారు. అప్పడే పలువురు విశ్లేషకులు.. మోడీతో కేసీఆర్ సంబంధాలు అంత గొప్పగా లేవని అంచనా వేశారు.

రాజకీయ కోణంలోనే ఢిల్లీ పర్యటన రద్దు..!

ఇప్పుడు మోడీ అధ్యక్షతన జరిగే.. నీతి ఆయోగ్ సమావేశానికి కూడా.. కేసీఆర్ డుమ్మా కొడుతున్నారు. తెలంగాణలో ముందస్తుగా నిర్ణయించిన కార్యక్రమాలు ఉన్నాయని.. తెలంగాణ ప్రభుత్వ వర్గాలు చెబుతున్నాయి. కాళేశ్వరం ప్రాజెక్ట్ ప్రారంభోత్సవానికి సంబంధించి కీలకమైన రివ్యూలు ఉన్నాయని.. అందుకే ఢిల్లీకి వెళ్లడం లేదని చెబుతున్నారు. కానీ.. నీతి ఆయోగ్ సమావేశం కంటే.. ఇవి కీలకమైనవి కావని.. కొందరు చెబుతున్నారు. కేవలం రాజకీయ కారణాలతోనే… కేసీఆర్.. ఢిల్లీ పర్యటనను.. చివరి క్షణంలో రద్దు చేసుకున్నారని అంటున్నారు.

మోడీ – కేసీఆర్‌ల మధ్య ఎక్కడ చెడింది..?

నిజానికి నీతిఆయోగ్ పై.. బీజేపీయేతర రాష్ట్రాలన్నీ చాలా కాలంగా.. అసంతృప్తితో ఉన్నాయి. ఎందుకంటే… ప్లానింగ్ కమిషన్ స్థానంలో తెచ్చిన నీతిఆయోగ్‌కు.. ఎలాంటి ఆర్థిక అధికారాలు లేవు. నేరుగా… ఎలాంటి నిధులు మంజూరు చేయలేదు. అన్ని వ్యవస్థల్లాగే.. బీజేపీ.. నీతిఆయోగ్‌ను.. ఓ ఉపయోగం లేని వ్యవస్థగా మార్చిందన్న ఆరోపణలు ఉన్నాయి. తమ వద్దకు వచ్చే ప్రతిపాదనలు పరిశీలించి.. నిధులు మంజూరు చేయమని.. సూచనలు మాత్రం కేంద్రానికి పంపుతుంది. మంజూరు చేయాలో లేదో.. కేంద్రం ఇష్టం. తెలంగాణకు సంబంధించి మిషన్ భగీరథ, కాళేశ్వరం ప్రాజెక్టులకు నిధులు మంజూరు చేయాలని నీతిఆయోగ్ గతంలో సిఫార్సు చేసింది. కానీ ఒక్క రూపాయి కూడా ఇవ్వలేదన్న అసంతృప్తి కేసీఆర్ లో ఉంది. అలాంటి మీటింగ్ కు వెళ్లినా .. వెళ్లకపోయినా ఒకటేనన్న భావనలో ఆయన ఉన్నట్లు తాజా పరిణామాలు నిరూపిస్తున్నాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close