రాంగోపాల్ వ‌ర్మ ఒక్క క్ష‌ణం ఖాళీగా కూర్చోలేడు. ఎవ‌రినో ఒక‌రిని కెల‌క్క‌పోతే త‌న‌కు అస్సలు నిద్ర‌ప‌ట్ట‌దు. అందులోనూ మెగా ఫ్యామిలినీ కెల‌డం అంటే ఆయ‌న‌కు మ‌హా స‌ర‌దా! ప‌నిగ‌ట్టుకొని మ‌రీ.. పవన్ కల్యాణ్ పై ట్విట్లు చేస్తూ.. అటు పవన్ ఫ్యాన్స్‌కీ, ఇటు ప‌వ‌న్‌కీ చుర‌క‌లు అంట‌స్తుంటాడు. ఇప్పుడు పవన్ లేటెస్ట్ ఇంట‌ర్వ్యూపై ఆయన ట్వీట్లు ప‌డ్డాయి. పవన్ ఇంట‌ర్వ్యూ చూశానని, అదో అద్భుత‌మూ, అమోఘ‌మ‌ని, జ‌నాల్ని ఎడ్యుకేట్ చేయ‌డానికే ఈ ఇంట‌ర్వ్యూ చేశార‌ని.. ఇలా పొగ‌డ్త‌ల కార్య‌క్ర‌మంలోకి దిగిపోయాడు వ‌ర్మ. అవ‌న్నీ ఎక‌సెక్కాలే అన్న సంగ‌తి.. పవన్ అభిమానుల‌కు అర్థ‌మ‌వుతూనే ఉంది.
వ‌ర్మ ఏదీ స్ట్ర‌యిట్‌గా చెప్ప‌డు. తిట్ట‌డ‌మే అల‌వాటు చేసుకొన్న వ‌ర్మ.. ఎప్పుడైనా పొగిడినా… అందులోనూ డ‌బుల్ మీనింగ్ ఉండ‌నే ఉంటుంది. తాజా ట్విట్ల‌లోనూ ఆ సంగ‌తి బ‌య‌ట‌ప‌డిపోయింది. పవన్ అభిమానుల్ని ఉడికిస్తూ.. సాగిన ఈ ట్విట్ ఇప్పుడు పవన్ ఫ్యాన్స్ మ‌ధ్య తెగ చ‌క్క‌ర్లు కొడుతోంది. మ‌రి.. వాటిని పవన్ ఫ్యాన్స్ ఏ విధంగా స‌మాధానం చెబుతార‌న్న‌ది ఆస‌క్తిక‌రం.
