రాంగోపాల్ వ‌ర్మ – కేఏ పాల్… వీరిద్ద‌రిలో ఎవ‌రు టీవీల్లో క‌నిపించినా, ఎవ‌రు మైకు ప‌ట్టుకున్నా.. బోలెడంత కాల‌క్షేపం. వీరిద్ద‌రూ ఏం మాట్లాడినా, ఎవ‌రి కోసం మాట్లాడినా, ఎందుకోసం మాట్లాడినా…. మ‌న‌కు మాత్రం భ‌లే ఎంట‌ర్‌టైన్‌మెంట్ దొరికేస్తుంది. కానీ అదేంటో వీరిద్ద‌రికీ ఒక్క క్ష‌ణం కూడా ప‌డ‌డం లేదు. పాల్‌పై వ‌ర్మ, వ‌ర్మ‌పై పాల్ సెటైర్ల మీద సెటైర్లు వేసేసుకుంటూనే ఉన్నారు.
వ‌ర్మ‌తో ఎవ‌రు పెట్టుకున్నా అంతే సంగ‌తులు. ఈ విష‌యం పాల్‌కి తెలీదేమో. పోయి పోయి.. వ‌ర్మ‌ని డిస్ట్ర‌బ్ చేశాడు. దాంతో వ‌ర్మ పాల్‌ని ఓ రేంజులో ఆడుకోవ‌డం మొద‌లెట్టాడు. ఇప్పుడు పాల్ ని ప్ర‌ధాన పాత్ర‌గా చేసుకుని ఓ సినిమా తీయ‌డానికి స‌న్నాహాలు చేస్తున్నాడు. కే.ఏ పాల్.. చుట్టూనే ఈ సినిమా తిరుగుతుంద‌ట. ఓ విధంగా ఇది పాల్ బ‌యోపిక్ అనుకోవొచ్చు. కాక‌పోతే.. ఇందులో పాల్‌ని హీరోలా కాకుండా ఓ జోక‌ర్‌లా చూపించోతున్నాడ‌ట. ఒక‌వేళ పాల్ మీద సినిమా సాధ్యం కాక‌పోతే.. త‌న రాబోయే చిత్రాల్లో పాల్ లాంటి పాత్ర‌ని సృష్టించి వినోదం పంచాల‌ని వ‌ర్మ డిసైడ్ అయ్యాడు. వ‌ర్మ అనుకున్నాడంటే.. సాధ్యం కాక‌పోవ‌డానికి ఏముంది?? తెర‌పై పాల్ ని చూడ‌డం ఖాయం. మ‌రి దీనిపై కేఏ పాల్ ఎలా స్పందిస్తాడో చూడాలి.
