మే 31.. కృష్ణ పుట్టిన రోజు. ప్ర‌తీ యేడాది ఈరోజు.. ఘ‌ట్ట‌మ‌నేని అభిమానుల సంబ‌రాలు అంబరాల్ని దాటేవి. ఎందుకంటే మహేష్ బాబు లేటెస్ట్ సినిమాకి సంబంధించిన ఏదో ఓ అప్ డేట్.. కృష్ణ పుట్టిన రోజున వ‌చ్చేది. టీజ‌రో, ట్రైల‌రో, క‌నీసం ఫ‌స్ట్ లుక్కో.. ఓ పోస్ట‌రో… వ‌దిలేవాళ్లు. ఈసారీ అలాంటి ట్రీటే… ఆశించారు అభిమానులు. ఓ వైపు `స‌ర్కారు వారి పాట` ఉంది. మ‌రోవైపు త్రివిక్రమ్ సినిమా ఉంది. స‌ర్కారు వారి పాట‌కి సంబంధించిన చిన్న టీజ‌రో, త్రివిక్రమ్ సినిమా టైటిలో ఈరోజు వ‌చ్చేస్తుంద‌నుకున్నారు. కానీ అవేం జ‌ర‌గ‌లేదు. `ప్ర‌స్తుత‌మున్న ప‌రిస్థితుల్లో అప్ డేట్లేమీ ఆశించొద్దు..` అని స్వ‌యంగా మహేష్ బాబునే ట్వీట్ చేసేశాడు. కాబ‌ట్టి… మహేష్ ఫ్యాన్స్ ఉసూరుమంటున్నారు. నిజానికి.. స‌ర్కారు వారి పాట టీజ‌ర్ వ‌చ్చే ప‌రిస్థితి లేదు. టీజ‌ర్ కి స‌రిప‌డినంత ఫుటేజీ… టీమ్ ద‌గ్గ‌ర లేదు. కానీ త్రివిక్రమ్ టీమ్ మాత్రం టైటిల్ తో సిద్ధ‌మైంది. ఓ పోస్ట‌ర్ ని కూడా డిజైన్ చేసి పెట్టింద‌ట. అయితే.. మహేష్ సూచ‌న‌తో.. త్రివిక్రమ్ ఆ ప్ర‌య‌త్నాన్ని విర‌మించుకున్నాడ‌ని తెలుస్తోంది. క‌రోనా హ‌డావుడి త‌గ్గాక… షూటింగులు ఎలాగూ మొద‌ల‌వుతాయి. త్రివిక్రమ్ సినిమా సెట్స్‌పైకి వెళ్లేముందు.. టైటిల్ ప్ర‌క‌టించే అవ‌కాశం ఉంది. ఇక స‌ర్కారు వారి పాట అంటారా? ఆ టీజ‌ర్ రావ‌డానికి ఇంకా చాలా టైమే ఉంది.
కృష్ణ బ‌ర్త్ డే… మెరుపుల్లేవ్‌!
