సుప్రీం కోర్టులో రోజాకి ఎదురుదెబ్బ

వైకాపా ఎమ్మెల్యే ఆర్.కె. రోజాని తెదేపా ప్రభుత్వం శాసనసభ నుంచి ఏడాది కాలం పాటు సస్పెండ్ చేయగా ఆమె దానిని సుప్రీం కోర్టులో సవాలు చేశారు. ఆమె కేసును జస్టిస్ అరుణ్ మిశ్రా, జస్టిస్ గోపాల గౌడలతో కూడిన ధర్మాసనం ఈరోజు విచారణకు చేపట్టింది.

ఇరుపక్షాల వాదనలు విన్న తరువాత శాసనసభ వ్యవహారాలలో న్యాయస్థానాలు జోక్యం చేసుకోలేవని, ఈ విషయంలో స్పీకర్ దే అంతిమ నిర్ణయం అవుతుందని స్పష్టంగా పేర్కొంది. కొత్తగా ఎమ్మెల్యే అయిన రోజా తెలిసితెలియక శాసనసభలో తప్పుగా వ్యవహరించి ఉండవచ్చు కనుక క్షమాపణ కోరుతూ స్పీకర్ కి లేఖ వ్రాయాలని సూచించింది. ఈ వ్యవహారంలో ఇరు పక్షాలు పట్టువిడుపులు ప్రదర్శించి సమస్యను పరిష్కరించుకోవడం మంచిదని ధర్మాసనం పేర్కొంది. శాసనసభ అంటే కొందరు వ్యక్తులు సమావేశమయ్యే వేదిక కాదని, ప్రజలకు ప్రాతినిధ్యం వహించే ప్రజాప్రతినిధులకు వేదికని అందరూ గుర్తుంచుకొని తదనుగుణంగా హుందాగా మెలగాల్సి ఉంటుందని అభిప్రాయం వ్యక్తం చేసింది. దీనిపై ఇరుపక్షాలకు చెందిన న్యాయవాదులు మాట్లాడుకొని తమ అభిప్రాయం తెలియజేయామని కోరింది. ఒకవేళ ఇప్పటికీ రోజా తన వాదనకే కట్టుబడి ఉండాలనుకొంటే ఆ విషయం తెలియజేస్తే, రేపు తీర్పు చెపుతామని ఈ కేసును రేపటికి వాయిదా వేసింది.
సుప్రీం కోర్టు అక్షింతలు వేసిన తరువాత రోజా ఒక మెట్టుదిగి ఈ వివాదం ఇంతటితో ముగిద్దామని రాష్ట్ర ప్రభుత్వానికి విజ్ఞప్తి చేసారు. ఈ వ్యవహారంలో సంజాయిషీ చెప్పుకొనేందుకు తనకు అవకాశం కల్పించాలని ఆమె మీడియా ద్వారా స్పీకర్ కోడెలకి, రాష్ట్ర ప్రభుత్వానికి విజ్ఞప్తి చేసారు. అయితే ఆమె బేషరతుగా క్షమాపణలు చెపితే తప్ప ఆమెపై సస్పెన్షన్ రద్దు చేసే ఆలోచన లేదని తెదేపా ఎమ్మెల్యే బొండా ఉమామహేశ్వరరావు జవాబిచ్చినట్లు సమాచారం.

హైకోర్టులో తనకు అనుకూలంగా తీర్పు వచ్చినప్పుడు రోజా ఎంత హడావుడి చేసారో అందరూ చూశారు. ఒకవేళ సుప్రీం కోర్టులో కూడా అనుకూలంగా తీర్పు వచ్చి ఉండి ఉంటే ఆమె రాష్ట్ర ప్రభుత్వంపై చెలరేగిపోయుండేవారు. కానీ సుప్రీం కోర్టు చివాట్లు పెట్టడంతో ఒక మెట్టు దిగక తప్పలేదు. గోటితో పోయే ఈ సమస్యను గొడ్డలి వరకు ఆమె తెచ్చుకొన్నారు. బహుశః జగన్మోహన్ రెడ్డి ఆదేశాల మేరకే ఆమె పరిస్థితి ఇంతవరకు తెచ్చుకొంది. తీరా సుప్రీం కోర్టు వరకు వెళ్ళినా మళ్ళీ అది కూడా స్పీకర్ ని క్షమాపణలు కోరడం మంచిదని సూచించింది. అదేపని మొదటే చేసి ఉంటే ఈ కధ ఇంత వరకు వచ్చి ఉండేదే కాదు కదా. ఈవిషయంలో తెదేపా కూడా చాలా అత్యుత్సాహం ప్రదర్శించిందనే చెప్పవచ్చు. ఆమెకు శాసనసభలో సంజాయిషీ చెప్పుకొనే అవకాశం ఇచ్చి, అప్పటికీ సంతృప్తి చెందకపోతే, శాసనసభ హక్కుల కమిటీకి నివేదించి, దాని సిఫార్సుల మేరకు ఆమెపై చర్యలు తీసుకొని ఉండి ఉంటే, ఇన్ని విమర్శలు, ఇంత న్యాయపోరాటం ఎదుర్కోవలసి వచ్చేదే కాదు. శాసనసభలో రోజా అనుచిత ప్రవర్తన, జగన్మోహన్ రెడ్డి అనాలోచిత, అపరిపక్వ రాజకీయ వ్యూహాలు కూడా దీనికి మరో కారణంగా చెప్పక తప్పదు. కనుక సుప్రీం కోర్టు సూచించినట్లుగా క్షమాపణలు చెప్పుకొని ఇప్పటికయినా దీనికి ముగింపు పలకడం మంచిది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

బిగ్ బాస్ నుండి దేవి నిష్క్రమణ, టీవీ9 పై జనాల్లో వ్యతిరేకత కూడా కారణమా ?

బిగ్ బాస్ సీజన్ 4 రికార్డు టిఆర్పీ లతో దూసుకెళుతోంది. కంటెస్టెంట్స్ జాబితా బాగోలేదు అన్న కారణంగా రెండు మూడు రోజుల తర్వాత పడిపోయిన రేటింగులు 10వ రోజు నుండి భారీగా పుంజుకున్నాయి....

పవన్ కళ్యాణ్ ఈనాడు ఇంటర్వ్యూ పై సాక్షి కొమ్మినేని ఏడుపు, ఈనాడు కి నీతులు

ఇటీవల పవన్ కళ్యాణ్ ఈనాడు పత్రికకు ఇచ్చిన సుదీర్ఘమైన ఇంటర్వ్యూ రాజకీయంగా ప్రాముఖ్యత సంతరించుకుంది. అమరావతి, జగన్ పాలన, ప్రస్తుతం రాష్ట్రంలో నెలకొన్న పరిస్థితుల పై పవన్ కళ్యాణ్ తన అభిప్రాయాలను ఆ...

గ్రేటర్ సమస్యలపై కేటీఆర్‌ని టార్గెట్ చేస్తున్న రేవంత్..!

తెలంగాణలో గ్రేటర్ ఎన్నికల రాజకీయం రాజుకుంది. ఎప్పుడు నోటిఫికేషన్ వస్తుందో అంచనా వేయడం కష్టం కానీ.. రాజకీయ నేతలు మాత్రం.. వచ్చిన ఏ అవకాశాన్ని వదిలి పెట్టడం లేదు. గ్రేటర్ పరిధిలో...

ఠాగూర్ అయినా టీ కాంగ్రెస్‌లో అందర్నీ కలపి ఉంచగలరా..!?

తెలంగాణ కాంగ్రెస్‌ వ్యవహారాల ఇన్‌చార్జిగా కుంతియా స్థానంలో మాణిగం ఠాగూర్‌ను కాంగ్రెస్ హైకమాండ్ నియమించింది. ఆయన తెలంగాణలో అడుగు పెట్టి..ఓ సారి సమావేశం కూడా నిర్వహించారు. కాంగ్రెస్ నేతలు.. అందరూ ఆయన ఎదుట...

HOT NEWS

[X] Close
[X] Close