కూడు, గుడ్డ, నీడ అన్నీ ఉచితం..! టీ కాంగ్రెస్ మ్యానిఫెస్టో..!!

ముందస్తు ఎన్నికలు వచ్చినా తాము సిద్ధంగా ఉన్నామని చెప్పుకునేందుకు కాంగ్రెస్ పార్టీ ఏకంగా మ్యానిఫెస్టోని ప్రకటించేసింది. కొద్దిరోజుల క్రితమే ఎమ్మెల్యే జీవన్ రెడ్డి నేతృత్వంలో మ్యానిఫెస్టో కమిటీని నియమించిన ఉత్తమ్.. ఈ రోజు కమిటీ చేసిన సిఫార్సులన్నింటినీ మీడియా ముందు ప్రకటించారు. గతంలో ఏకమొత్తంగా రైతులకు రూ. 2లక్షల రుణమాఫీ చేస్తామని ఉత్తమ్ కుమార్ రెడ్డి ప్రకటిస్తున్నారు. అదే హైలెట్ కాగా.. దానికి అనుబంధంగా.. మరిన్ని ఆకర్షణీయ పథకాలు పథకాలు ప్రకటించారు. డబుల్ బెడ్ రూమ్ పథకం కింద లబ్ధిదారులకు రూ.5 లక్షలు , ఇందిరమ్మ లబ్ధిదారులు మరో గది కట్టుకునేందుకు రూ.2లక్షలు ఇస్తామన్నారు. లబ్ధిదారులకు సొంత స్థలంలోనే ఇల్లు కట్టుకునే వెసులుబాటు కల్పిస్తామన్నారు.

బీసీ, మైనారిటీలకు జనాభా ప్రాతిపదికన సబ్ ప్లాన్ నిధులు కేటాయిస్తామని హామీ ఇచ్చారు. ఎస్సీ, ఎస్టీల గృహాలకు 200 యూనిట్ల వరకు ఉచిత విద్యుత్, గృహాల విద్యుత్‌ బిల్లులు తగ్గించేందుకు టెలిస్కోపింగ్ విధానంలో మార్పులు, ఆలయాలు, మసీదులు, చర్చిలకు ఉచిత విద్యుత్ హామీల జాబితాలో ఉన్నాయి. తెల్లరేషన్ కార్డు ఉన్న ప్రతి ఒక్కరికి 7 కిలోలు సన్నబియ్యం, ఎస్సీ, ఎస్టీ కుటుంబాలకు ఉచితంగా సన్న రేషన్ బియ్యం, నిత్యావసరాలు, రేషన్‌డీలర్లకు క్వింటాకు రూ.100 కమిషన్..బకాయిలు చెల్లిస్తామని మ్యానిఫెస్టోలో పెట్టనున్నారు. బీపీఎల్ కుటుంబాలకు ఏడాదికి ఆరు గ్యాస్ సిలిండర్లు, 7వ తరగతి నుంచి ఇంటర్ చదివే బాలికలకు ఉచితంగా సైకిళ్లు, కౌలురైతులకు కూడా రైతులుగా హక్కులు కల్పిస్తామని ఉత్తమ్ ప్రటించారు. అలాగే రైతు బంధు పథకాన్ని కొనసాగిస్తారట

హైదరాబాద్‌కు ప్రత్యేక మేనిఫెస్టో రూపొందిస్తామని తెలిపారు. గెలిచే అవకాశం ఉన్న జర్నలిస్టులకు టికెట్లు ఇస్తామని ఉత్తమ్ హామీ ఇచ్చారు. టీఆర్‌ఎస్‌ ప్రభుత్వం 4 లక్షల ఇందిరమ్మ ఇళ్లకు బిల్లులు ఆపేసిందని.. ఆగిపోయిన బిల్లును కాంగ్రెస్‌ అధికారంలోకి రాగానే చెల్లిస్తామని ఉత్తమ్ ప్రకటించారు. ఎన్నికల ప్రచారం ఉద్ధృతంగా సాగుతున్నప్పుడు.. ఈ హామీలన్నింటినీ ప్రింటెడ్ మ్యానిఫెస్టో రూపంలో విడుదల చేయనున్నారు.కేకే నేతృత్వంలో టీఆర్ఎస్ మ్యానిఫెస్టో కమిటీని నియమిస్తున్నట్లు కేసీఆర్.. ప్రగతి నివేదన వేదిక మీదే ప్రకటించారు. టీఆర్ఎస్ హామీలు ఎంత ప్రజాకర్షణగా ఉంటాయో.. అంతకు మించి కాంగ్రెస్ కొత్త హామీలను మ్యానిఫెస్టో సమయానికి రెడీ చేసే అవకాశం ఉంది. మొత్తానికి తెలంగాణలో ముందస్తు హామీలు… ప్రజలందరికీ.. ఏ పనీ చేయకుండా బతికేసే ధైర్యాన్నిచ్చేలా ఉన్నాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

జగన్ సలహాదారులు కి కనీస అవగాహన లేదా ?

ఎస్‌ఈసీగా రమేష్‌కుమార్ తొలగింపు వ్యవహారంలో హైకోర్టు ఇచ్చిన తీర్పు నేపధ్యలో ప్రతిపక్షపార్టీల నేతలు..జగన్మోహన్ రెడ్డి రాజీనామాకు డిమాండ్ చేస్తున్నారు. రాజ్యాంగ విరుద్దంగా ఆర్డినెన్స్ ఇచ్చి... రాజ్యాంగ ఉల్లంఘనకు పాల్పడ్డారని.. పదవిలో ఉండే అర్హత...

దేశం ఆశ్చర్యపోయేలా తెలంగాణ ప్రజలకు తీపి కబురు: కేసీఆర్

తెలంగాణ సీఎం కేసీఆర్.. తెలంగాణ ప్రజలకు త్వరలో ఓ తీపి కబురు చెబుతానని ప్రకటించారు. ఈ మాట ఆయన మామూలుగా చెప్పలేదు. దానికో విశేషణం జోడించారు. అదేమిటంటే.. తాను చెప్పబోయే తీపి కబురు...

బాల‌య్య ఇష్యూ: కేసీఆర్‌పై నెట్టేశారుగా!

`ఇండ్ర‌స్ట్రీ స‌మావేశాల‌కు న‌న్ను పిల‌వ‌లేదు` అన్న బాల‌య్య మాట - ప‌రిశ్ర‌మ‌లో కొత్త వివాదానికీ, కాంపౌండ్ రాజ‌కీయాల‌కు కేంద్ర బిందువు అయ్యింది. బాల‌య్య‌ని పిల‌వ‌క‌పోవ‌డం త‌ప్పే అని ప‌రిశ్ర‌మ‌లో చాలామంది పెద్ద‌లు తేల్చేస్తున్నారు....

ద‌ర్శ‌కేంద్రుడి ‘కాన్సెప్ట్’ ఏమిటి?

న‌మోః వేంక‌టేశాయ త‌ర‌వాత మ‌ళ్లీ మెగాఫోన్ ప‌ట్ట‌లేదు ద‌ర్శ‌కేంద్రుడు. ఆయ‌న సినిమాల‌కు దూరంగానే ఉంటూ వ‌చ్చారు. ద‌ర్శ‌కేంద్రుడు రిటైర్ అయిపోయార‌ని, ఆయ‌న ఇక సినిమాలు చేయ‌ర‌ని వార్త‌లొచ్చాయి. కానీ ఓ మంచి సినిమా...

HOT NEWS

[X] Close
[X] Close