హెచ్చరికల పట్ల కూడా రెచ్చిపోతున్నారు మరి!

పొగాకు ఉత్పత్తుల మీద హెచ్చరికల బొమ్మ వేసినా కూడా వ్యతిరేకతే! దానికి వ్యతిరేకంగా కూడా ఉద్యమాలు వినతులు! దేశంలో ప్రభుత్వం మీద ఒత్తిడి తీసుకు రాగలిగితే చాలు ఏ పనినైనా సానుకూలం చేసుకోవచ్చుననుకునే దుర్మార్గమైన ఆలోచనలు పెరిగిపోతున్నాయనడానికి ఇది మరొక నిదర్శనం. సిగరెట్‌ పెట్టెల మీద, పొగతాగడం ఆరోగ్యానికి హానికరం అంటూ హెచ్చరిస్తూ ప్రకటనలు నిర్దిష్ట సైజులో ముద్రించాలని కేంద్రం ఆదేశాలు జారీ చేసిన సంగతి తెలిసిందే. నిజానికి ఈ హెచ్చరికల ద్వారా పొగతాగే దురలవాటు ఉన్న వారిలో పునరాలోచన కలిగేలా చేయాలని, అప్పటికైనా క్యాన్సర్‌ వంటి ప్రమాదకర రోగాలకు కారణమైన ఈ వ్యసనాన్ని కొంతమేర దూరం చేయవచ్చునని ప్రభుత్వ ఆలోచన.
అయితే ఈ హెచ్చరికలు కూడా నామమాత్రం చేసేయడానికి ఇప్పుడు కార్పొరేట్‌ కుట్ర జరుగుతున్నట్లు కనిపిస్తోంది. ఈ హెచ్చరికల వలన అంతో ఇంతో సిగరెట్‌ కంపెనీలకు నష్టం జరుగుతుంది. వారి బిజినెస్‌ కాస్త దెబ్బతింటుంది. అయితే వారు నేరుగా ప్రభుత్వం మీద ఒత్తిడి తెస్తే వ్యాపార ప్రయోజనాల కోసం చేసినట్లుగా ఉంటుంది గనుక.. ఇప్పుడు రైతుల ముసుగులో ఈ హెచ్చరికలకు వ్యతిరేకంగా పోరాడుతున్నట్లుగా కనిపిస్తోంది.
ఈ ఏడాది ఏప్రిల్‌ 1వ తేదీనుంచి పొగాకు ఉత్పత్తుల మీద హెచ్చరికలకు సంబంధించిన బొమ్మ పరిమాణం 85 శాతం ఉండాలంటూ కేంద్రం నిర్ణయించింది. ఈ ఉత్తర్వులు బీడీ పరిశ్రమను సర్వనాశనం చేసేస్తాయని ఒకవైపు ప్రభుత్వానికి వినతులు అందుతున్నాయి. తాజాగా పొగాకు రైతుల సంఘాల సమాఖ్య కూడా ఇదే విజ్ఞప్తితో ప్రభుత్వం మీద ఒత్తిడి తెస్తున్నది. బ్యాంకురుణాలు ప్రమాదంలో పడతాయని, తెలుగు రాష్ట్రాల్లోనే 1200 కోట్ల పొగాకు పంట వృథాగా ఉన్నదని ఈ సమాఖ్య వారు చెబుతున్నారు.
అయితే పేరుకు రైతులు పోరాడుతున్నా.. వాస్తవానికి వీరి వెనుక నుంచి సిగరెట్‌ కంపెనీలే దీన్ని నడిపిస్తున్నాయని అందరికీ తెలిసిన సంగతే. ప్రభుత్వ హెచ్చరికల నిర్ణయానికి వ్యతిరేకంగా సిగరెట్‌ కంపెనీలు ఉత్పత్తిని నిలిపేశాయి. దీంతో రైతులపై ఒత్తిడి పెరుగుతోందని సమాఖ్య వాదిస్తున్నది. అయితే ప్రభుత్వం వీరి డ్రామాలకు తలొగ్గకుండా కాస్త దృఢంగా వ్యవహరించినట్లయితే.. ఉత్పత్తిని నిలిపేసి ఎంతోకాలం మనలేని సిగరెట్‌ కంపెనీలు తిరిగి దార్లో పడతాయని పలువురు సూచిస్తున్నారు. మరి మోడీ సర్కార్‌ ఎలా స్పందిస్తుందో చూడాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

బస్సు యాత్ర : వైసీపీ రాంగ్ స్ట్రాటజీ

ఎన్నికల షెడ్యూల్ వచ్చినా నోటిఫికేషన్ రావడానికి సమయం ఉండటంతో...జగన్మోహన్ రెడ్డి బస్సు యాత్రను ప్లాన్ చేసుకున్నారు. ఇరవై ఒక్క రోజుల పాటు ఇరవై ఒక్క పార్లమెంట్ నియోజకవర్గాల నుంచి బస్సు యాత్ర...

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...

HOT NEWS

css.php
[X] Close
[X] Close