ఇటీవల రీమేక్ చిత్రాల హవా తెలుగు నాట మరింత ఎక్కువైంది. మఖ్యంగా మెగా హీరోలు రీమేక్లనే నమ్మకొన్నారు. పవన్ కల్యాణ్ ప్రస్తుతం చేస్తున్న రెండు సినిమాలూ రీమేక్లే. చిరు 150వ చిత్రం కత్తికి రీమేక్ అన్న సంగతి తెలిసిందే. రామ్ చరణ్ సినిమా ధృవ కూడా తమిళ సినిమా తని ఒరువన్ కి రీమేకే. ఇప్పుడు బన్నీ కూడా అదే బాటలో వెళ్తున్నట్టు సమాచారం. అల్లు అర్జున్ దృష్టి ఓ కన్నడ సినిమాపై పడిందని, దాన్ని రీమేక్ చేయాలని భావిస్తున్నాడని సమాచారం.
కన్నడలో ధనుంజయ్ హీరోగా బద్మాష్ అనే సినిమా తయారవుతోంది. ఈసినిమా గురించి తెలుసుకొన్న బన్నీ.. రీమేక్ చేయాలన్న ఆలోచనలో ఉన్నాడని, బద్మాష్ విడుదల కాకముందే.. ఆ సినిమాపై కర్చీఫ్ వేశాడని చెబుతున్నారు.
బద్మాష్ అనేది ఓ మాస్, రొమాంక్ యాక్షన్ థ్రిల్లర్. పూరి జగన్నాథ్ సినిమా తరహాలో ఉండబోతోందట. అయితే ఆ కాన్సెప్ట్ నచ్చి.. ఎందుకైనా పనికొస్తుందని ముందుగా రీమేక్ రైట్స్ పై ఓ కన్నేశాడట బన్నీ ఈ సినిమాని బన్నీ అయినా, అల్లు శిరీష్ అయినా చేయొచ్చని టాక్. లేదంటే గీతా ఆర్ట్స్ ఇప్పుడు బయటి హీరోలతో విరివిగా సినిమాలు చేయడానికి ప్లాన్ చేస్తోంది. మరోవైపు పీవీపీ సంస్థ కూడా ఈ సినిమా రీమేక్ హక్కుల కోసం గట్టిగా ప్రయత్నిస్తున్నట్టు టాక్. ఓ కన్నడ సినిమాకు విడుదలకు ముందే ఇంత పోటీ ఏర్పడిందంటే.. కచ్చితంగా అందులో విశేషం ఉండే ఉంటుంది. మరి ఇక్కడ బద్మాష్ గా కనిపించే ఆ హీరో ఎవరో తెలియాలంటే ఇంకొంత కాలం ఆగాలి.