క‌రోనా ప‌డ‌గ చిత్ర‌సీమ‌పై ప‌డింది. ప్ర‌ముఖ నిర్మాత పోకూరి బాబూరావు సోద‌రు.. పోకూరి రామారావు క‌రోనా తో మృతి చెందారు. శుక్ర‌వారం రాత్రి ఆయన క‌న్ను మూశారు. గ‌త కొన్ని రోజులుగా ఆయన హోం క్వారెంటైన్‌లోనే ఉంటూ చికిత్స పొందుతున్నారు. పోకూరి బాబూరావు ఈత‌రం ఫిల్మ్స్ లో ఎన్నో విజ‌య‌వంత‌మైన చిత్రాల్నిఅందించారు. ఆయన సోద‌రుడు ఇప్పుడ క‌రోనా తో మ‌ర‌ణించ‌డం చిత్ర‌సీమ‌ని దిగ్భ్రాంతికి గురి చేసింది. పోకూరి కుటుంబ స‌భ్యుల‌కు సైతం క‌రోనా టెస్టులు చేయించిన‌ట్టు తెలుస్తోంది. అయితే… వాళ్లంతా ఇప్పుడు క్షేమంగానే ఉన్నారు.
బుల్లి తెర న‌టీన‌టులు క్ర‌మంగా క‌రోనా బారీన ప‌డుతున్నారు. ప్ర‌భాక‌ర్ అనే బుల్లి తెర న‌టుడికి క‌రోనా సోకిన విష‌యం తెలిసిందే. ఆత‌ర‌వాత న‌వ్యాస్వామి క‌రోనా బారీన ప‌డింది. ఇప్పుడు ర‌వికృష్ణ అనే న‌టుడికీ క‌రోనా పాజిటీవ్ అని తేలింది. `ఆమె క‌థ`లో న‌వ్యాస్వామితో క‌ల‌సి న‌టిస్తున్నాడు ర‌వికృష్ణ. ఆ షూటింగ్ లో ఉండ‌గానే న‌వ్య‌కి క‌రోనా పాజిటీవ్ అని తెలిసింది. ఆ త‌ర‌వాత ర‌వికృష్ణ‌కీ టెస్టులు చేయించారు. ర‌వికృష్ణ `బిగ్ బాస్ 3`లోనూ క‌నిపించాడు.
