మ‌హేష్‌బాబు – సుకుమార్ కాంబినేష‌న్‌లో ఓ సినిమా ప్లాన్ చేసింది మైత్రీ మూవీస్‌. ‘మ‌హ‌ర్షి’ త‌ర‌వాత మహేష్ చేయ‌బోయే సినిమా ఇదే అని ప్ర‌చారం జ‌రిగింది. అయితే… ఇప్పుడు ఈ సినిమాని దాదాపుగా ప‌క్క‌న పెట్టేసిన‌ట్టు టాక్‌. అందుకు కార‌ణ‌మేంట‌ని ఆరా తీస్తే.. సుకుమార్ ఇంకా క‌థ సిద్ధం చేయ‌లేద‌ని, అది త‌యార‌వ్వ‌డానికి చాలా టైమ్ ప‌డుతుంద‌ని చెబుతున్నారు.
అయితే అస‌లు కార‌ణం ఇదేం కాదు. సుకుమార్ మ‌హేష్‌కి ఎప్పుడో క‌థ చెప్పేశాడు. అదీ సింగిల్ లైన్ వినిపించ‌డం కాదు, సీన్ బై సీన్ క‌థ చెప్పాడు. కానీ సుకుమార్ చెప్పిన క‌థ మ‌హేష్‌ని సంతృప్తి ప‌ర‌చ‌లేద‌ని టాక్‌. ‘కొత్త‌గా ఉంది కానీ.. ఏదో మిస్స‌య్యింది’ అన్న‌ది మహేష్ ఫీలింగ్‌. త‌న‌కు ఎలాంటి క‌థ కావాలో కూడా సుకుమార్‌కి సూచించాడ‌ట. అలాంటి క‌థ త‌యారు చేయ‌డానికి ఇంకాస్త స‌మ‌యం కావాలి అని సుకుమార్ మ‌హేష్‌ని అడిగిన‌ట్టు తెలుస్తోంది. అందుకే… ఈ సినిమా ప్ర‌స్తుతానికి ప‌క్క‌న పెట్టిన‌ట్టు స‌మాచారం అందుతోంది. సుకుమార్ మహేష్ కోసం త‌యారు చేసిన క‌థ‌ని మ‌రొక‌రితో తీస్తాడా? లేదంటే ఆ క‌థ‌ని పూర్తిగా ప‌క్క‌న పెట్టేస్తాడా? అనేది ఆస‌క్తిగా మారింది. సుకుమార్ త‌ప్పుకోవ‌డంతో… అనిల్ రావిపూడికి మార్గం సుగ‌మం అయ్యింది. ‘ఎఫ్ 2’ విజ‌యంతో టాప్ లీగ్‌లోకి చేరిపోయాడు అనిల్. మ‌హేష్‌తో సినిమా చేస్తే గ‌నుక… త‌న పంట పండిన‌ట్టే.
