రైట‌ర్‌ముదిరితే డైరెక్ట‌ర్ అనేది.. టాలీవుడ్ సామెత. ర‌చ‌యిత‌ల‌కు ద‌ర్శక‌త్వం వైపు అడుగులు వేయ‌డం స‌హ‌జ‌మే. త్రివిక్ర‌మ్ దర్శకుడిగా మారి సంచ‌ల‌న విజ‌యాలు సాధించాక… ఈ త‌ర‌హా వ‌ల‌స‌లు మ‌రింత ఎక్కువ‌య్యాయి, ఇప్పుడు ర‌చ‌యిత దర్శకుడిగా మార‌బోతున్నాడు త‌నే… వెలిగొండ శ్రీ‌నివాస్‌. ఢ‌మ‌రుకం, అఖిల్‌, జ‌బ‌ర్‌ద‌స్త్‌, పండ‌గ చేస్తో… ఇలా చాలా సినిమాల‌కు క‌థ అందించి ర‌చ‌యిత‌గా ప‌నిచేశాడు. ఇప్పుడు మెగా ఫోన్‌వైపు దృష్టి పెట్టాడు. యువ హీరో రాజ్ త‌రుణ్‌కి ఓ క‌థ చెప్పి ఒప్పించేశాడు వెలిగొండ. అతి త్వ‌ర‌లో ఈ సినిమా ప‌ట్టాలెక్క‌బోతోంది.
ఈ చిత్రానికి అనిల్ సుంక‌ర నిర్మాత‌గా వ్య‌వ‌హ‌రిస్తారు. క‌మ‌ర్షియ‌ల్ పంథాలో సాగే ఈ సినిమాలో ఓ కొత్త పాయింట్‌ని ట‌చ్‌చేశార‌ట. రాజ్ తరుణ్ అక్క‌డే లాక్ అయిపోయాడ‌ట. త్వ‌ర‌లోనే ఈ ప్రాజెక్టుకు సంబంధించిన పూర్తి వివ‌రాలు బ‌య‌ట‌కు వ‌స్తాయి. మ‌రి ర‌చ‌యిత‌గా ఇప్పుడిప్పుడే నాలుగు రాళ్లు వెన‌కేస్తున్న వెలిగొండ… దర్శకుడిగా ఎలా విజృంభిస్తాడో చూడాల్సిందే.
