పాపం..హనుమంతన్న ఆవేదన ఎవరు వింటారు?

కాంగ్రెస్ పార్టీలో చాలా సీనియర్ నేత వి. హనుమంత రావు. అలాగే కాంగ్రెస్ పార్టీకి, దాని అధిష్టాన దేవతలకి వీరవిధేయుడు కూడా. ఒకవిధంగా చెప్పాలంటే ఆయన నిజంగా పేరుకి దగ్గవారే. కానీ ఏనాడూ ఆయనకి కేంద్ర మంత్రి పదవి దక్కలేదు. కేవలం రాజ్యసభ సభ్యత్వంతోనే సరిపెట్టుకోవలసి వస్తోంది. అది కూడా ఈ జూన్ నెలాఖరుతో పూర్తయిపోతుంది. మళ్ళీ పొందే అవకాశాలు కూడా కనబడటం లేదు. అయినా కూడా ఆయన కాంగ్రెస్ పార్టీ పట్ల తన భక్తిని, అభిమానాన్ని కోల్పోలేదు. అనేక దశాబ్దాలుగా కాంగ్రెస్ పార్టీ ఉత్థాన పతనాలలో దానినే అంటిపెట్టుకొని సాగుతున్నారు. అటువంటి నేతకి ఇప్పటి రాజకీయ నేతల తీరుతెన్నులు, పార్టీ ఫిరాయింపులను జీర్ణించుకోవడం కష్టమే. అదే ఆయన మాటలలో వ్యక్తం అయ్యింది.

ఎమ్మెల్సీ ఫారూక్ హుస్సేన్, పువ్వాడ అజయ్ ఇద్దరూ కాంగ్రెస్ పార్టీని వీడి తెరాసలో చేరడంపై ఆయన స్పందిస్తూ ఇలాగ అన్నారు. “ ఒకప్పుడు రాజకీయ నేతలు దశాబ్దాల తరబడి ఒకే పార్టీని, నేతని నమ్ముకొని ఉండేవారు. కానీ ఇప్పటి నేతలు ప్రొద్దున ఒక పార్టీలో రాత్రి మరొక పార్టీలో కనబడుతున్నారు. పదవులు, అధికారమే ప్రధానం అయిపోయాయి తప్ప పార్టీ, సిద్దాంతాలను ఎవరూ పట్టించుకోవడం లేదు. కాంగ్రెస్ పార్టీలో ఉన్నప్పుడు అనేక పదవులు అనుభవించిన ఫారూక్ హుస్సేన్ కాంగ్రెస్ పార్టీ అధికారం కోల్పోగానే పార్టీని వీడి తెరాసలో చేరిపోవడం చాలా తప్పు. బాధ కలిగిస్తోంది. అలాగే పువ్వాడ అజయ్ కి కాంగ్రెస్ పార్టీ పిలిచి మరీ టికెట్ ఇచ్చి ఆదరిస్తే, ఆయన కూడా తెరాసలో చేరిపోయారు. ఈ విధంగా పదవుల కోసం పార్టీలు మారేవారు నా దృష్టిలో రాజకీయ వ్యభిచారుల క్రిందే లెక్క. పార్టీ మారినప్పుడు కనీసం తమ ఎమ్మెల్యే పదవులకు రాజీనామా చేసినా గౌరవంగా ఉండేది. కానీ ఇప్పుడు అదీ చేయడం లేదు. ఒక పార్టీ ఎమ్మెల్యేగా ఉంటూ వేరే పార్టీలో సభ్యులుగా, మంత్రులుగా నిసిగ్గుగా కోనసాగుతున్నారు,” అని ఆవేదన వ్యక్తం చేసారు హనుమంత రావు.

సమాజంలో తరాల మధ్య జనరేషన్-గ్యాప్ ఏవిధంగా నెలకొని ఉందో అదేవిధంగా రాజకీయాలలో నైతిక విలువల స్థాయిలో చాలా మార్పు వచ్చిందని వర్తమాన రాజకీయాలు నిరూపిస్తున్నట్లున్నాయి. ప్రజా ప్రతినిధులు పార్టీలు మారినా తమ పదవులకు రాజీనామాలు చేయకపోవడం, అయినా స్పీకర్లు వారిపై ఎటువంటి చర్యలు తీసుకోకపోవడం, న్యాయస్థానాలు మందలిస్తున్న స్పీకర్లు, రాష్ట్ర ప్రభుత్వాలు పట్టించుకోకపోవడం వంటి అవాంఛనీయ మార్పులు ఇప్పుడు సర్వ సాధారణ విషయాలైపోయాయి. అందుకే హనుమంతన్న అంత ఆవేదన చెందుతున్నారు. కానీ న్యాయస్థానాలనే పట్టించుకొని వారు ఆయన మాటలను ఎవరు వింటారు? అంత ఓపిక, టైం ఎవరికున్నాయి కనుక?

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మెకానిక్ గా మారిన మాస్ కా దాస్

ఈమ‌ధ్యే 'గామి'గా ద‌ర్శ‌న‌మిచ్చాడు విశ్వ‌క్‌సేన్‌. త‌న కెరీర్‌లో అదో వెరైటీ సినిమా. ప్రేక్ష‌కుల ప్ర‌శంస‌ల‌తో పాటు, విమ‌ర్శ‌కుల మెచ్చుకోళ్లూ ద‌క్కాయి. త‌ను న‌టించిన 'గ్యాంగ్స్ ఆఫ్ గోదావ‌రి' విడుద‌ల‌కు సిద్ధ‌మైంది. ఇప్పుడు మ‌రో...

“చెంగిచెర్ల” మీదుగా బీజేపీ ఎలక్షన్ ప్లాన్లు !

మేడ్చల్ నియోజకవర్గం చెంగిచెర్ల గ్రామంలో హోలీ పండుగ సందర్భంగా ఘర్షణ జరిగింది. డీజే పాటలు పెట్టుకొని హోలీ సంబరాలు చేసుకుంటుండగా.. మరో వర్గానికి చెందిన వారు ఆ పాటలు ఆపాలని కోరారు....
video

ఈదేశం విడిచి వెళ్లిపోండి.. లేదా చ‌చ్చిపోండి!

https://www.youtube.com/watch?v=nb-XDZQSZhE చాలా కాలంగా నారా రోహిత్ నుంచి సినిమాలేం రాలేదు. సుదీర్ఘ విరామం త‌ర‌వాత ఆయ‌న‌.. 'ప్ర‌తినిధి 2' తో ప‌ల‌క‌రించ‌బోతున్నారు. ఓర‌కంగా క‌రెక్ట్ కమ్ బ్యాక్ ఇది. ఎందుకంటే నారా రోహిత్ చేసిన...

‘టిల్లు స్వ్కేర్’ రివ్యూ: మ్యాజిక్ రిపీట్స్

Tillu Square movie review తెలుగు360 రేటింగ్ : 3/5 కొన్ని పాత్ర‌లు, టైటిళ్లు... ఆయా న‌టీన‌టుల కెరీర్‌ల‌కు బ్రాండ్ అంబాసిడ‌ర్లుగా మారిపోతుంటాయి. 'డీజే టిల్లు' అలాంటిదే. ఈ సినిమా 'మామూలు' సిద్దు జొన్న‌ల‌గ‌డ్డ‌ని 'స్టార్...

HOT NEWS

css.php
[X] Close
[X] Close