విజయ్ దేవ‌ర‌కొండ నిర్మాత‌గా కొన్ని చిన్న సినిమాల్ని నిర్మించ‌డానికి ప్లాన్ చేసుకుంటున్నాడు. అందులో భాగంగా ద‌ర్శ‌కుడు త‌రుణ్ భాస్క‌ర్‌ని హీరోగా మార్చి ఓ సినిమా తీయ‌డానికి ప్లాన్ చేస్తున్నాడు. పెళ్లి చూపుల‌తో విజయ్ దేవ‌ర‌కొండ‌కు బ్రేక్ ఇచ్చింది త‌రుణ్ భాస్క‌రే. ఆ రుణం ఇలా తీర్చుకుంటున్నాడ‌న్న‌మాట. ఈ చిత్రం కోసం వెరైటీ టైటిల్‌ని ఎంచుకున్నాడు విజయ్. అదే.. ‘మీకు మాత్ర‌మే చెబుతా’. ఇదో థ్రిల్ల‌ర్ క‌థ‌ని స‌మాచారం. క‌థ‌లోని మ‌లుపులు ఆస‌క్తిక‌రంగా సాగుతాయ‌ని, వినోదానికి పెద్ద పీట వేశార‌ని తెలుస్తోంది. త‌రుణ్ భాస్క‌ర్ లోనూ ఓ న‌టుడున్నాడ‌ని `ఫ‌ల‌క్ నామా దాస్‌`లాంటి సినిమాలు నిరూపించాయి. హీరోగా త‌రుణ్ ఎలా ఉంటాడో చూడాలి. ఈ చిత్రానికి సంబంధించిన ప్రీ ప్రొడ‌క్ష‌న్ ప‌నులు దాదాపుగా పూర్త‌యిన‌ట్టే. త్వ‌ర‌లోనే సెట్స్‌పైకి వెళ్లనుంది.
విజయ్ దేవ‌ర‌కొండ సినిమాకి వెరైటీ టైటిల్‌
