జల వివాదాలపై తమాషా చూస్తున్న కాంగ్రెస్, బిజెపి

అన్ని పార్టీలనూ కలుపుకుని తెలంగాణాకు సాగునీటి ప్రాజెక్టులు సాధించుకోవాలని ఆ రాష్ట్ర ముఖ్యమంత్రి కె చంద్రశేఖరరావు పిలుపు ఇచ్చారు. ఆంధ్రప్రదేశ్ ముఖ్యమంత్రి చంద్రబాబు నాయుడు మాత్రం అందుకు సిద్ధంగాలేరు. అంటే…దీని అర్ధం కెసిఆర్ కు వున్న విశాలదృక్పధం చంద్రబాబుకి లేదని కాదు…రాజకీయంగా కెసిఆర్ కి వున్న సానుకూలత చంద్రబాబుకి లేదని మాత్రమే!

ప్రజాప్రయోజనాలను పక్కన పెట్టి రాజకీయ ప్రయోజనాలే ముఖ్యమని పార్టీలు వ్యవహరిస్తూండటం వల్లే ఈ పరిస్ధితి తలఎత్తింది. ఒక సమస్య తలఎత్తినపుడు పరిష్కారంలో సాధకబాధకాలను రాజకీయపార్టీలు క్షుణ్ణంగా చర్చించి తమ విధానం ఏమిటో స్పష్టం చేయకపోవడమే ఇన్ని చిక్కుముడులకూ మూలం!

ఆంధ్రప్రదేశ్ విభజన సందర్భంలోనే కాంగ్రెస్ వేసిన ఈ చిక్కుముడి ఇప్పటికీ ప్రతి విషయంలోనూ మరింతగా బిగుసుకుపోతూనే వుంది. విభజన నిర్ణయాన్ని సోనియాగాంధీ తన పార్టీలో రెండు ప్రాంతాలవారికీ తెలియజేశారేతప్ప విభజన పర్యావసానాల్నీ, పరిష్కారాల్నీ చర్చించలేదు. ఇందువల్లే సోనియా అభీష్టం తప్ప ఆ విషయంలో పార్టీ విధానమూ లేదు. డాక్యుమెంటూ లేదు. బిజెపి అంతకుముందు ఎప్పుడో చిన్నరాష్ట్రాల విధానాన్ని ప్రకటించింది. సీమాంధ్ర, తెలంగాణా విషయంలో లోతైన చర్చ జరగలేదు. విభజనపై లెఫ్ట్ పార్టీలు మాత్రమే తమ విధానాలను స్పష్టంగా ప్రకటించాయి. కాంగ్రెస్ విధానం ఏమిటో స్పష్టం చేయాలని చంద్రబాబు నాయుడు చాలాకాలం పట్టుబట్టినా తెలంగాణాలో ఉద్యమ తీవ్రత చూసి విభజనకు ఉత్తరం ఇచ్చేశారు.

అప్పట్లో అన్ని పార్టీలూ తెలంగాణాలో విభజనకు అనుకూలంగా సీమాంధ్రలో వ్యతిరేకంగా వున్నాయి. సోనియాగాంధీ నిర్ణయమే తప్ప ఏపార్టీకీ విధానమే లేకుండా విభజన జరిగిపోయింది. ఈ తరహా విభజనవల్ల రెండు రాష్ట్రాలకూ మధ్య నీటి యుద్ధాలు తప్పవని అప్పటి ముఖ్యమంత్రి కిరణ్ కుమార్ రెడ్డి శాసనసభలో, అప్పటి రాజమండ్రి ఎంపి ఉండవల్లి అరుణ్ కుమార్ పార్మెంటులో హెచ్చరించారు కూడా!

ఆ యుద్ధాలే ఇపుడు మొదలయ్యాయి. అందులో ముందు వుండటానికి అఖిల పక్షాలను కలుపుకుపోవడానికి కెసిఆర్ సంసిద్ధత వ్యక్తం చేశారు.తెలంగాణాలో తప్ప మరే రాష్ట్రంలోనూ ఉనికే లేని టిఆర్ఎస్ కు అఖిల పక్ష మైత్రి ఇబ్బందికరం కాదు. అంతే కాకుండా కలసిరాని పార్టీ తెలంగాణా ప్రజలకు దూరమయ్యే ఇరకాట పరిస్ధితిని కెసిఆర్ ముందుకి తెచ్చారు.

ఈ సౌలభ్యం ఆంధ్రప్రదేశ్ ముఖ్యమంత్రీ, తెలుగుదేశం పార్టీ అధ్యక్షుడూ అయిన చంద్రబాబు నాయుడికి లేదు. ఇరిగేషన్ ప్రాజెక్టుల్లో తెలంగాణాకు అనుకూలమైతే అది ఆంధ్రప్రదేశ్ ప్రయోజనాలను దెబ్బతీస్తుంది. ఎపి ప్రయోజనాలే ముఖ్యమనుకుంటే తెలంగాణా ప్రయోజనాలు దెబ్బతింటాయి.

ఈ విషయంలో వైఎస్ఆర్ కాంగ్రెస్ పార్టీ కొంత సాహసం చూపి ఎపి ప్రయోజనాలే ముఖ్యమని తేల్చేసింది. ఇది తెలుగుదేశాన్ని ఇరకాటంలో పెట్టడానికే అనే ఉద్దేశ్యం వున్నాకూడా తెలంగాణా ప్రజలకు దూరమవ్వడానికే జగన్ నిర్ణయించుకున్నారని లెక్కతేలిపోయింది.

మొత్తం వ్యవహారాన్ని కాంగ్రెస్, బిజెపి పార్టీలు తమాషాగా చూస్తున్నాయి. కృష్ణా, గోదావరి నదుల పరీవాహక రాష్ట్రాలైన మహారాష్ట్ర, కర్నాటక, తెలంగాణా, ఆంధ్రప్రదేశ్ రాష్ట్రాల్లో ఉనికీ, మనుగడా వున్న బిజెపి, కాంగ్రెస్ పార్టీలు ఈ నదీ జలాల పంపిణీపై తమతమ విధానాలను ప్రకటించాలి. రాజకీయపార్టీల విధాన ప్రకటనలు ప్రజాభిప్రాయాన్ని రూపొందిస్తాయి. ఇదే రాజకీయ ప్రక్రియ.

పొలిటికల్ ప్రాసెస్ లేని ఏనిర్ణయమూ సజావుగా అమలు కాదు. అమలు అయినా విభజన సమస్యల మాదిరిగానే చిక్కుముడులలో చిక్కుకుపోతాయి.

ఇదంతా అనుభవపూర్వకంగా తెలిసి కూడా చంద్రబాబు అఖిల పక్ష సహకారం కోరటంలేదు. కోరినా మనస్ఫూర్తిగా ఎవరూ ముందుకు రారని తెలిసి కూడా కలసి పని చేద్దాం! అని కెసిఆర్ పిలుపు ఇచ్చారు.

సమస్యలపై రాజకీయపార్టీల విధాన ప్రకటన ద్వారా మాత్రమే ప్రజాప్రయోజనాలు సామరస్యంగా పరిష్కారమౌతాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

రఘురామకు ఇంకా కూటమి నుంచి టిక్కెట్ చాన్స్ ఉందా ? లేదా?

రఘురామకృష్ణరాజు పోటీ ఎక్కడ ?. ఈ ప్రశ్న ఇప్పుడు ఇటు కూటమి క్యాంప్‌తో పాటు అటు వైసీపీ క్యాంప్‌లోనూ హాట్ టాపిక్ గానే ఉంది. వైసీపీ క్యాంప్.. ఇదే ప్రశ్నతో ఆయనను...

ఆ స్వామిజీకి టిక్కెట్ రాకుండా చేసింది బాలకృష్ణేనట !

పరిపూర్ణానంద అనే స్వామిజీకి ప్రవచాలు చెప్పుకోవడం కన్నా రాజకీయాల్లో ఆదిత్యనాథ్ ని అయిపోవాలన్న ఆశ ఎక్కువగా ఉంది. గతంలో తెలంగాణలో ప్రయత్నించారు. వర్కవుట్ కాలేదు. ఈ సారి ఏపీలో దృష్టి పెట్టారు....

గంటాకే భీమిలీ – టీడీపీ ఫైనల్ లిస్ట్ రిలీజ్

గంటా శ్రీనివాసరావు హైకమాండ్ అనుకున్నది కాకుండా.. తాను అనుకున్న చోట పోటీ చేయడంలో ఎక్స్ పర్ట్. మరోసారి అనుకున్నది సాధించారు. భీమిలీ సీటు ఆయన ఖాతాలోనే పడింది. టీడీపీ విడుదల చేసిన...

మెకానిక్ గా మారిన మాస్ కా దాస్

ఈమ‌ధ్యే 'గామి'గా ద‌ర్శ‌న‌మిచ్చాడు విశ్వ‌క్‌సేన్‌. త‌న కెరీర్‌లో అదో వెరైటీ సినిమా. ప్రేక్ష‌కుల ప్ర‌శంస‌ల‌తో పాటు, విమ‌ర్శ‌కుల మెచ్చుకోళ్లూ ద‌క్కాయి. త‌ను న‌టించిన 'గ్యాంగ్స్ ఆఫ్ గోదావ‌రి' విడుద‌ల‌కు సిద్ధ‌మైంది. ఇప్పుడు మ‌రో...

HOT NEWS

css.php
[X] Close
[X] Close