ప‌వ‌న్ వెనుక మెగా ఫ్యామిలీ ఉంటుందా, లేదా?

‘త‌మ్ముడి కోసం ఏం చేయ‌డానికైనా సిద్ధ‌మే’ అని చాలాసార్లు స్టేట్మెంట్లు ఇచ్చాడు మెగా బ్ర‌ద‌ర్ నాగ‌బాబు. ఇప్పుడు అందుకు స‌మ‌యం వ‌చ్చేసింది. ఆంధ్ర‌ప్ర‌దేశ్ లో ఎన్నిక‌ల న‌గారా మోగింది. ఎన్నిక‌ల‌కు ఇంకా నెల రోజుల స‌మ‌యం కూడా లేదు. పార్టీని ముందుకు ఎలా న‌డిపించాలా? అని ప‌వ‌న్ త‌ర్జ‌న‌భ‌ర్జ‌న‌లు ప‌డుతున్నాడు. ఇప్పుడు నాగబాబుకి చేతినిండా పని ప‌డిన‌ట్టే. నిజానికి నాగ‌బాబుతో పాటు ప‌వ‌న్‌కి అండ‌గా ఎవ‌రుంటారో తేలాల్సిన త‌రుణ‌మిది. ఇప్ప‌టి వ‌ర‌కూ రామ్ చ‌ర‌ణ్ కూడా చాలాసార్లు ‘బాబాయ్ ఏం చెప్పినా చేయ‌డానికి సిద్ధ‌మే. బాబాయ్ పిలిస్తే ఏమైనా చేస్తా’ అని చాలాసార్లు చెప్పాడు. ప‌వ‌న్ త‌నంత‌ట తాను ఎవ్వ‌రినీ ఏదీ కోర‌డు. ఇది మెగా ఫ్యామిలీకి కూడా బాగా తెలుసు. అలాంట‌ప్పుడు ప‌వ‌న్ పిలుపుకోసం నాగ‌బాబు, చ‌ర‌ణ్ ఎదురుచూస్తూ కూర్చుంటారా? లేదంటే.. అడ‌క్కుండానే రంగంలోకి దిగుతారా? అనేది ఆస‌క్తిక‌రంగా మారింది.

నాగబాబు ఈసారి ఎన్నిక‌ల‌లో పోటీ చేయ‌డానికి రెడీ అవుతున్నార‌ని, తూగో, ప.గోలలోని ఏదో ఓ నియోజ‌కవ‌ర్గం నుంచి నాగ‌బాబు పోటీ చేయ‌డం ఖాయ‌మ‌ని ఓ వ‌ర్గం చెబుతోంది. న‌ర‌సాపురం అసెంబ్లీ టికెట్‌ని నాగ‌బాబు ఆశిస్తున్నార‌ని కూడా చెబుతున్నారు. అయితే.. టికెట్ ఆశించి పార్టీలోకి వ‌స్తే… ప‌వ‌న్ రియాక్ష‌న్ మ‌రోలా ఉంటుంది. త‌న స్నేహితుడైన అలీకే ప‌వ‌న్ చోటివ్వ‌లేదు. ఇప్పుడు అన్న‌య్య‌కు సీటిస్తే.. మ‌ళ్లీ ఇది కుటుంబ పార్టీగా ముద్ర‌ప‌డిపోతుంద‌న్న భ‌యం ప‌వ‌న్‌కి ఉంటుంది. అందుకే.. నాగ‌బాబు సీటు అడిగినా ప‌వ‌న్ కాద‌నే అవ‌కాశాలే ఎక్కువ‌గా ఉన్నాయి. మ‌రోవైపు మెగా కుటుంబం నుంచి ప‌వ‌న్‌కి ఎలాంటి సపోర్ట్ ఉండ‌బోతోంది? అనేదీ త్వ‌ర‌లో తేలిపోనుంది. చిరంజీవి జ‌న‌సేన‌లోకి వ‌స్తార‌ని, ఆయ‌న గౌర‌వ అధ్య‌క్షుడిగా ఉంటార‌ని చెప్పుకున్నారు. అయితే ఇప్ప‌ట్లో ఆ అవ‌కాశాలు లేన‌ట్టే. ఈసారి చిరంజీవి జ‌న‌సేన‌కు దూరంగా ఉండొచ్చు. అయితే రామ్ చ‌ర‌ణ్ ప్ర‌చారానికి దిగే అవ‌కాశాలు కొట్టిపారేయ‌లేం. ప్ర‌స్తుతం ‘ఆర్‌.ఆర్‌.ఆర్’ షూటింగ్‌లో చ‌ర‌ణ్ బిజీగా ఉన్నాడు. ఈ ప‌రిస్థితుల్లో షూటింగ్ ని ఆపేసి, బాబాయ్ కోసం ప్ర‌చారం సాగిస్తాడా? అనే అనుమానాలూ ఉన్నాయి. ఏదేమైనా జ‌న‌సేన వెంట మెగా కుటుంబం ఉంటుందా, లేదా అనేది అతి తొంద‌ర్లోనే తేలిపోనుంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

గంటాకే భీమిలీ – టీడీపీ ఫైనల్ లిస్ట్ రిలీజ్

గంటా శ్రీనివాసరావు హైకమాండ్ అనుకున్నది కాకుండా.. తాను అనుకున్న చోట పోటీ చేయడంలో ఎక్స్ పర్ట్. మరోసారి అనుకున్నది సాధించారు. భీమిలీ సీటు ఆయన ఖాతాలోనే పడింది. టీడీపీ విడుదల చేసిన...

మెకానిక్ గా మారిన మాస్ కా దాస్

ఈమ‌ధ్యే 'గామి'గా ద‌ర్శ‌న‌మిచ్చాడు విశ్వ‌క్‌సేన్‌. త‌న కెరీర్‌లో అదో వెరైటీ సినిమా. ప్రేక్ష‌కుల ప్ర‌శంస‌ల‌తో పాటు, విమ‌ర్శ‌కుల మెచ్చుకోళ్లూ ద‌క్కాయి. త‌ను న‌టించిన 'గ్యాంగ్స్ ఆఫ్ గోదావ‌రి' విడుద‌ల‌కు సిద్ధ‌మైంది. ఇప్పుడు మ‌రో...

“చెంగిచెర్ల” మీదుగా బీజేపీ ఎలక్షన్ ప్లాన్లు !

మేడ్చల్ నియోజకవర్గం చెంగిచెర్ల గ్రామంలో హోలీ పండుగ సందర్భంగా ఘర్షణ జరిగింది. డీజే పాటలు పెట్టుకొని హోలీ సంబరాలు చేసుకుంటుండగా.. మరో వర్గానికి చెందిన వారు ఆ పాటలు ఆపాలని కోరారు....
video

ఈదేశం విడిచి వెళ్లిపోండి.. లేదా చ‌చ్చిపోండి!

https://www.youtube.com/watch?v=nb-XDZQSZhE చాలా కాలంగా నారా రోహిత్ నుంచి సినిమాలేం రాలేదు. సుదీర్ఘ విరామం త‌ర‌వాత ఆయ‌న‌.. 'ప్ర‌తినిధి 2' తో ప‌ల‌క‌రించ‌బోతున్నారు. ఓర‌కంగా క‌రెక్ట్ కమ్ బ్యాక్ ఇది. ఎందుకంటే నారా రోహిత్ చేసిన...

HOT NEWS

css.php
[X] Close
[X] Close