మే 9న మ‌హ‌ర్షి వ‌చ్చేస్తోంది. ఇప్పటికే షూటింగ్ పూర్తి చేసుకున్న `మ‌హ‌ర్షి`.. ఇప్పుడు ఫైన‌ల్ `కట్` విష‌యంలో త‌ర్జ‌న భర్జనలు ప‌డుతోంది. నిడివి, ల్యాగ్ అవుతున్న స‌న్నివేశాలు.. వీటి గురించి ఇప్పుడు దిల్‌రాజు, వంశీపైడిప‌ల్లిల మ‌ధ్య విప‌రీత‌మైన డిస్క‌ర్ష‌న్లు న‌డుస్తున్నాయి. ట్రైల‌ర్ లో చూపించినాల్సిన షాట్స్ ఏమిటి? అనేది కూడా ఇంకా తేల‌లేదు. నిన్నా మొన్న‌టి వ‌ర‌కూ ఈ సినిమా ఫైన‌ల్ కట్ బాధ్య‌త‌ల్ని వంశీపైప‌డిప‌ల్లిపైనే వేశాడు దిల్‌రాజు. ఇప్పుడు మాత్రం… త‌ను ద‌గ్గ‌రుండి చూసుకుంటున్నాడ‌ని తెలుస్తోంది. వంశీ కూడా రెండు ర‌కాల ట్రైల‌ర్ల‌ను కట్ చేయించాడ‌ట. వాటిలో ఏది ఓకే చేయాల‌న్న విష‌యంలో ఇంకా నిర్ణ‌యం తీసుకోవాల్సివుంది. మే 1న ప్రీ రిలీజ్ వేడుక జ‌ర‌గ‌బోతోంది. ఈ సంద‌ర్భంగా ఈ ట్రైల‌ర్‌ని విడుద‌ల చేయ‌నున్నారు. పాట‌లు, టీజ‌ర్‌… ఈ సినిమాపై హైప్ క్రియేట్ చేయ‌లేక‌పోయాయి. అందుకే… ట్రైల‌ర్ విష‌యంలో ఇన్ని జాగ్ర‌త్త‌లు తీసుకోవాల్సివ‌స్తోంది.
‘మ‌హ‌ర్షి’ ఫైన‌ల్ ‘కట్’ పై త‌ర్జ‌న భర్జనలు
