సమస్య ఏదైనా సజ్జలకు తెలిసిన ఆన్సర్ ” చంద్రబాబు “

సకల రోగాలకు మందు జిందాతిలిస్మాత్ లాగా… ఏపీ ప్రభుత్వ ప్రతి చేతకాని తనానికి చంద్రబాబును చూపించడం కామన్ అయిపోయింది. ముఖ్యమంత్రి ఎలాగూ మీడియా ముందుకు వచ్చి చెప్పలేరు. ఆయన తరపున మీడియా ముందుకు వచ్చే సజ్జల రామకృష్ణారెడ్డి మాత్రం చంద్రబాబుతో ప్రారంభించి.. చంద్రబాబుతో ముగిస్తారు. స్టీల్ ప్లాంట్ విషయంలో తెలంగాణ ప్రభుత్వం బిడ్ వేస్తోంది. ఏపీ ప్రభుత్వం ఎందుకు వేయడం లేదని నలు వైపుల నుంచి వస్తున్న ప్రశ్నలను తట్టుకోలేక ప్రెస్ మీట్ పెట్టారు.

అటు బిడ్ వేస్తున్న తెలంగాణ ప్రభుత్వాన్ని ఏమనలేరు. ఏమైనా అంటే ఏం జరుగుతుందో తెలుసు. అటు ప్రైవేటీకరణ చేస్తున్న కేంద్రాన్నీ ఏమనలేరు. ఏమైనా అనగలిగితే ప్లీజ్ ప్లీజ్ అనే అంటామని గెలిచిన మొదట్లోనే చెప్పారు. ఇక మిగిలిందెవరంటే చంద్రబాబు. ఏదైనా ఆయనను తిట్టేస్తే చాలనుకుంటున్నారు. ఇవాళ కూడా అదే చేశారు. స్టీల్ ప్లాంట్ బిడ్డింగ్ ఎందుకు వేయడం లేదంటే… చంద్రబాబు ప్రైవేటీకరణలో మాస్టర్ అని పల్లవి అందుకున్నారు. ఆయన చాలా సంస్థలు ప్రైవేటీకరణ చేశారని.. ఆయన ప్రైవేటీకరణ చేయాలనుకున్న ఆర్టీసీని ప్రభుత్వంలో విలీనం చేశామని.. ఇలా చంద్రబాబు సీరిస్ వినిపించారు. పోనీ అంతా అయిపోయిన తర్వాతైనా స్టీల్ ప్లాంట్ గురించి చెబుతారా అంటే అదేమీ లేదు.

స్టీల్ ప్లాంట్ ఈవోఏలో ఏముందో తెలియకుడానే అందరూ మాట్లాడుతున్నారని..చెప్పుకొచ్చారు. జగన్ అందరి కంటే ముందే స్టీల్ ప్లాంట్ గురించి ప్రధానితో మాట్లాడారని కావాలంటే స్టీల్ ప్లాంట్ కు ఉన్న భూములు తాకట్టు పెట్టి అయినాప్లాంట్ ను నడవచ్చని చెప్పారన్నారు. ఇలాంటి సలహాలు మోదీకి జగన్ కాదు.. చాలా మందిఇచ్చి ఉంటారు. అసలు ఎందుకు పోరాడటం లేదు అంటే మాత్రం సజ్జల దగ్గర సౌండ్ ఉండదు. రాను రాను తమ చేతకాని తనాన్ని… ఎవర్నీ ఏమీ అనలేని నిస్సహాయతను చంద్రబాబుపై చూపించి రాజకీయం చేసేస్తున్నారు. అధికారంలో ఉండీ.. ఇంత కంటే నిస్సహాయులు గతంలో ఎవరూ లేరేమో అన్న విమర్శలు ఊరకనే రావుగా మరి !

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close