వైసీపీ నేతల అరాచకాలకు అడ్డే లేకుండా పోయింది. హత్యా రాజకీయాలు ప్రారంభిస్తే చంద్రబాబు, లోకేష్‌లతోనే ప్రారంభిస్తామని వైసీపీ నేతలు మండి పడుతున్నారు. ఎన్నో హత్య కేసుల్లో ఆరోపణలు ఎదుర్కొంటున్న రాప్తాడు ఎమ్మెల్యే తోపుదుర్తి బ్రదర్స్ ఈ విషయంలో మరో అడుగు ముందుకేశారు. ఈ తోపుదుర్తి బ్రదర్స్‌లో పెద్దవాడైన చందురెడ్డి.. పరిటాల రవిని వైఎస్సే మొద్దు శీనుతో చంపించాడని… అప్పుడే చంద్రబాబును కూడా చంపమని ఓ మాట చెప్పి ఉంటే.. చంపేసి ఉండేవాడన్నారు. ఇప్పుడు తాము ప్రారంభించాలనుకుంటే లోకేష్‌తోనే ప్రారంభిస్తామన్నారు.
ఉద్దేశపూర్వకంగా రికార్డు చేసుకుని మరీ ఇలా మాట్లాడుతున్న వీడియోను .. తోపుదుర్తి వర్గం లీక్ చేసింది. దీనిపై స్పందించిన టీడీపీ నేతల్ని పోలీసులు అరెస్ట్ చేశారు కానీ.. అలా మాట్లాడిన తోపుదుర్తి చందును మాత్రం అరెస్ట్ చేయలేదు. ఇటీవలి కాలంలో వైసీపీ నేతల నుంచి చంద్రబాబు, లోకేష్‌లను హత్య చేస్తామనే బెదిరింపులు పెరిగిపోతున్నాయి. గతంలో బోరుగడ్డ అనిల్ అనే వైసీపీ నేత కూడా నేరుగా చంద్రబాబును చంపుతానని హెచ్చరించారు.
పోలీసులు పూర్తిగా లా అండ్ ఆర్డర్ తప్పిపోయారు. రాజకీయ విమర్శలు అంటే.. హత్యలు చేస్తామనే బెదిరింపులు అని అనుకుంటున్నారు. ఇలా బెదిరిస్తున్న వారికి హత్యలు చేసిన చరిత్ర కూడా ఉండటంతో.. వీటిని తేలిగ్గా తీసుకోలేమన్న వాదనను టీడీపీ నేతలు వ్యక్తం చేస్తున్నారు. ఇప్పటికే చంద్రబాబుకు ముప్పు ఉందన్న కారణంగా సెక్యూరిటీని పటిష్టం చేశారు. అయినా బెదిరింపులు మాత్రం ఆగడం లేదు. పోలీసులు కూడా ఇలాంటి బెదిరింపుల్ని పట్టించుకోవడం లేదు.
