జగన్‌కు తెలియదా..? ప్రజలకు తెలియదని అనుకుంటారా..?

వైఎస్ జగన్మోహన్ రెడ్డి పాదయాత్రలో పెట్టే బహిరంగసభల్లో చేసే ప్రసంగాలు వింటూంటే.. కాస్తంత రోజువారీ వ్యవహారాలు.. తెలిసిన వారికి.. జగన్ మరీ ఇంత అమాయకుడా అన్న అనుమానం రాకుండా ఉండదు. ఎందుకంటే.. అది కాదు.. అని స్పష్టంగా తెలిసిన విషయాన్నే ఆయన తనకు ఏమీ తెలిదన్నట్లు .. ప్రజల ముందు బిగ్గరగా చెబుతూంటారు. ముఖ్యంగా టీడీపీ అధినేత, ముఖ్యమంత్రి చంద్రబాబుకు సంబధించిన అంశాల్లో అయితే ఆయన ఈ అమాయకత్వం మరింత ఎక్కువగా ఒలకబోస్తూంటారు. అనకాపల్లిలో పాదయాత్ర బహిరంగసభలో మాట్లాడిన జగన్.. అక్కడి బెల్లం వ్యాపారుల కష్టాలన్నీ చంద్రబాబు వల్లేనని చెప్పాలనుకున్నారు. అలా చెప్పాలంటే… చంద్రబాబుకు ఉన్న హెరిటెజ్‌తో లింక్ పెట్టేస్తే సరిపోతుందనుకున్నారు. వెంటనే తడబాటు లేకుండా.. హెరిటేజ్‌కు.. బెల్లానికి లింక్ పెట్టేశారు.

అనకాపల్లి బెల్లం రేతులు అప్పుల పాలై భూములు అమ్ముకుంటున్నారని.. జగన్ ఆవేదన వ్యక్తం చేయడమే కాదు.. అనకాపల్లికి వచ్చే బెల్లం ప్రతి ఏడాది తగ్గిపోతుందని తేల్చారు. దానికి కారణం గిట్టుబాటు ధరలు లేకపోవడమట. అదే సీఎం చంద్రబాబు హెరిటేజ్‌ షాప్‌లో బెల్లం ధర 84 రూపాయలు. కానీ రైతులు తయారు చేసిన క్వింటాల్‌ బెల్లానికి రూ.2500 నుంచి 3వేలు పలకడం లేదట. మార్కెట్‌ బెల్లానికి, హెరిటేజ్‌ బెల్లం ధరకు చాలా తేడా ఉంది. సీఎం చంద్రబాబే దళారిగా మారితే రైతులను ఆదుకునేది ఎవరు? అంటూ ఆవేశ పడిపోయారు. బెల్లం వ్యాపారులకు నిజం తెలిసినా… సామాన్యులకు మాత్రం ఏదో తేడాగా ఉందే అనిపిస్తుంది.

నిజానికి హెరిటెజ్ అనే పాలు, పాలపదార్థాల కంపెనీ మాత్రమే.. ఇప్పుడు చంద్రబాబు కుటుంబం చేతుల్లో ఉంది. నిత్యాసవసరాలు అమ్మే హెరిటెజ్ ఫ్రెష్ వ్యాపారాన్ని ఎప్పుడో.. వంద శాతం.. కిషోర్ బియానీకి చెందిన… ఫ్యూచర్ రీటైల్‌కి అమ్మేశారు. ఇప్పుడు హెరిటేజ్ ఫ్రెష్‌కి.. చంద్రబాబు కుటుంబానికి ఏ సంబంధం లేదు. కార్పొరేట్ వ్యవహారాల్లో పండిపోయిన జగన్‌కు ఇది తెలియనిది కాదు. పోనీ మర్చిపోయాడని అనుకోవడానికి కూడా లేదు. ఎందుకంటే.. గతంలో ఇలా రీటైల్ వ్యాపారాన్ని హెరిటేజ్ అమ్మేసినప్పుడు.. ఆయన చేసిన విమర్శలు చాలా పెద్ద స్థాయిలోనే ఉన్నాయి. అలాంటివి మర్చిపోరు కదా..! అయినా సరే .. ప్రజల్లో అనుమానం కల్పించడానికి… తనకు తెలిసిన అబద్దాన్ని నిజంగా ప్రజల్లోకి చొప్పించడానికి ఆయన ఏ మాత్రం సందేహించరు. జగన్ మార్క్ రాజకీయం అంటే అదేనేమో..?

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

video

విశ్వ‌క్ ‘లైలా’వ‌తారం!

https://www.youtube.com/watch?v=9STsOoGDUfA లేడీ గెట‌ప్పులు వేయాల‌న్న ఆశ‌.. ప్ర‌తీ హీరోకీ ఉంటుంది. స‌మ‌యం సంద‌ర్భం క‌ల‌సి రావాలంతే! ఒక‌ప్ప‌టి అగ్ర హీరోలంతా మేక‌ప్పులు మార్చి, శారీలు క‌ట్టి - ఆడ వేషాల్లో అద‌ర‌గొట్టిన‌వాళ్లే. ఈత‌రం హీరోలు...

రఘురామకు ఇంకా కూటమి నుంచి టిక్కెట్ చాన్స్ ఉందా ? లేదా?

రఘురామకృష్ణరాజు పోటీ ఎక్కడ ?. ఈ ప్రశ్న ఇప్పుడు ఇటు కూటమి క్యాంప్‌తో పాటు అటు వైసీపీ క్యాంప్‌లోనూ హాట్ టాపిక్ గానే ఉంది. వైసీపీ క్యాంప్.. ఇదే ప్రశ్నతో ఆయనను...

ఆ స్వామిజీకి టిక్కెట్ రాకుండా చేసింది బాలకృష్ణేనట !

పరిపూర్ణానంద అనే స్వామిజీకి ప్రవచాలు చెప్పుకోవడం కన్నా రాజకీయాల్లో ఆదిత్యనాథ్ ని అయిపోవాలన్న ఆశ ఎక్కువగా ఉంది. గతంలో తెలంగాణలో ప్రయత్నించారు. వర్కవుట్ కాలేదు. ఈ సారి ఏపీలో దృష్టి పెట్టారు....

గంటాకే భీమిలీ – టీడీపీ ఫైనల్ లిస్ట్ రిలీజ్

గంటా శ్రీనివాసరావు హైకమాండ్ అనుకున్నది కాకుండా.. తాను అనుకున్న చోట పోటీ చేయడంలో ఎక్స్ పర్ట్. మరోసారి అనుకున్నది సాధించారు. భీమిలీ సీటు ఆయన ఖాతాలోనే పడింది. టీడీపీ విడుదల చేసిన...

HOT NEWS

css.php
[X] Close
[X] Close