వైఎస్సార్ తెలంగాణ పార్టీ అధినేత్రి షర్మిల తన ప్రజా ప్రస్థానం పాదయాత్రను తిరిగి ప్రారంభించారు. గతంలో పాదయాత్రకు బ్రేక్ పడిన చోట నుంచే తిరిగి ఈ యాత్రను కొనసాగిస్తున్నారు. ఉమ్మడి నల్లగొండ జిల్లా నార్కట్‌పల్లి మండలం కొండపాక గ్రామం నుంచి ఈ యాత్రను మొదలుపెట్టారు. అయితే ఆమె మళ్లీ పాదయాత్రను ప్రారంభించినట్లుగా ప్రచారం లభించలేదు. ఎవరూ పట్టించుకోవడం లేదని.. పలు టీవీచానళ్లకు ప్రకటనలు ఇచ్చినా ప్రయోజనం లేకపోయిది.
తెలంగాణలో షర్మిలకు మీడియా సపోర్టు కరవైంది. ఏబీఎన్ చానల్ గతంలో మంచికవరేజీ ఇచ్చేది. ఇప్పుడు ఇవ్వాలి కాబట్టి ఇస్తున్నట్లుగా మారిపోయింది. వైఎస్ఆర్‌టీపకి సోషల్ మీడియా కవరేజీ కూడా తక్కువ. ఖర్చు ఎక్కువ ఉందికానీ.., వస్తున్న ప్రచారం మాత్రం చాలా తక్కువగా ఉంది. ఆమె పాదయాత్రలో పాల్గొంటున్న వారు కూడా.. స్థానికులు కాదని.. ఇతర ప్రాంతాల నుంచి వచ్చిన వారన్న విమర్శలు ఉన్నాయి. అంతా ఫ్యాబ్రికేటెడ్‌గా జరుగుతూండటంతో మీడియా కూడా పెద్దగా ఆసక్తి చూపించడం లేదు.
వైఎస్సార్ పాదయాత్ర ప్రారంభించిన చేవెళ్ల నుంచే షర్మిల సైతం 2021 అక్టోబర్ 20వ తేదీన పాదయాత్ర మొదలుపెట్టారు. 21 రోజుల పాటు పాదయాత్ర కొన‌సాగింది. మ‌ధ్యలో ఎమ్మెల్సీ ఎన్నికల కోడ్, కరోనా ఉధృతి దృష్ట్యా 2021 నవంబరు 9వ తాత్కాలికంగా వాయిదా వేశారు. ఇప్పుడు ప్రారంభించేసరికి అసలు పట్టించుకునేవారు కరవయ్యారు. అదే సమయంలో ఆమె ఏపీ రాజకీయాల్లోకి వెళ్తారన్న ప్రచారం జరుగుతోంది. ఆమె భర్త అనిల్ కుమార్ సన్నాహాలు చేస్తున్నారు. ఇది మరింతగా మైనస్ అవుతోంది. తెలంగాణ ప్రజలు ఒక్క శాతం కూడా ఆమెను తెలంగాణ బిడ్డగా భావించకపోతూండటంతో పరిస్థితి పూర్తి మైనస్‌గా మారింది.
