తెలంగాణ నిజంగా సంపన్న రాష్ట్రమేనా?

పదమూడు లక్షల మందికి పైగా విద్యార్థుల భవిష్యత్తుకు సంబంధించిన విషయం. ఇంతకన్నా టాప్ ప్రయారిటీ ప్రభుత్వానికి ఇంకేం ఉంటుంది? ఏ ఊరికి వెళ్లినా మూడు నాలుగు నెలల్లో డబుల్ బెడ్ రూమ్ ఇల్లు కట్టిస్తానని హామీలు కుమ్మరించే ముఖ్యమంత్రి కేసీఆర్, మౌలికమైన విషయాల గురించి మాత్రం మాట్లాడరు. అదో రకం పరిపాలన కావచ్చు. తెలంగాణ రాష్ట్రంలో ఫీజు రీయింబర్స్ మెంట్ కు సంబంధించి ప్రయివేటు కాలేజీలకు రాష్ట్ర ప్రభుత్వం దాదాపు 1900 కోట్ల రూపాయలు చెల్లించాల్సి ఉంది. ఉంది గత ఏడాది చెల్లించాల్సిన మొత్తం కూడా ఉంది.

కొత్త విద్యా సంవత్సరం మొదలైంది. తరగతులు జరుగుతున్నాయి. ఫీజు రీయింబర్స్ మెంట్ సొమ్ము మాత్రం కాలేజీలకు రాలేదు. అది వచ్చినా రాకపోయినా కాలేజీలు తమ సిబ్బందికి ప్రతి నెలా జీతాలు ఇవ్వాల్సిందే. ఇంకా ఇతరత్రా మెయింటెనెన్స్ ఖర్చులు భరించాల్సిందే. విద్యను వ్యాపారంగా కాకుండా ఉన్నంతలో పిల్లలకు మంచి చదువు చెప్పాలనే భావనతో కాలేజీలను నడిపించే వారు కూడా ఉన్నారు. అలాంటి వారి పరిస్థితి మరీ దయనీయంగా ఉంది. గుజరాత్ తర్వాత మనదే సంపన్న రాష్ట్రమని ఒకటికి పదిసార్లు చెప్పే ముఖ్యమంత్రి, ఈ సొమ్ము విడుదలలో జాప్యం ఎందుకు చేస్తున్నారో అర్థం కాదు.

ఫీజు రీయింబర్స్ మెంట్ సొమ్ము ఏ సమయంలో ఎంత శాతం విడుదల చేయాలనేదానిపై ఒక విధానం రూపొందిచవచ్చు. ఆ ప్రకారం చెల్లింపులు జరపవచ్చు. ఇప్పుడు అలా జరగకపోవడంతో ఫీజు కడితేనే కాలేజీకి రండి అని కొన్ని చోట్ల విద్యార్థులపై ఆంక్షలు విధిస్తున్నారట. అలా అయితే నష్టపోయేది ఎవరు? నోరు తెరిసే వేల కోట్ల లెక్కలు చెప్పే ప్రభుత్వాధినేతలు, విద్యార్థుల భవిష్యత్తుకు సంబంధించిన విషయంలో ఇంత నిర్లక్ష్యంగా ఎలా ఉంటున్నారని విద్యార్థి సంఘాలు ప్రశ్నిస్తున్నాయి. భావిపౌరుల చదువుకంటే ప్రభుత్వానికి ప్రాధాన్యం ఏం ఉంటుంది?

పైగా ఖజానా ఖాళీ ఉందా అంటే అదీ లేదు. ఇది సంపన్న రాష్ట్రం. నిధులకు కొదువ లేదు. డబ్బు చెట్లకు కాస్తుందా అనే తరహాలో ముఖ్యమంత్రి విచ్చలవిడిగా ఖర్చు చేస్తుంటారు. సువిశాలమైన సచివాలయ భవనం ఉన్నా, మరో దానికోసం వందల కోట్లు ఖర్చు చెయ్యడానికి సిద్ధపడతారు. ఒకసారి, రెండుసార్లు కాదు, మూడు సార్లు ముఖ్యమంత్రి కాన్వాయిలో కార్లను మార్చడానికి కోట్లు ఖర్చు చేస్తారు. అప్పుడప్పుడూ పల్లెల్లో విహారానికి కోట్లు ఖర్చు పెట్టి లగ్జరీ బస్సును కొంటారు. ఇన్ని చేస్తున్న ముఖ్యమంత్రికి, విద్యార్థుల చదువు ముఖ్యం అనిపించడం లేదా అనేదే విద్యార్థి సంఘాల ప్రశ్న. ఉద్యమాల గడ్డ వరంగల్ జిల్లా జనగామలో కడుపుమండిన విద్యార్థులు ఫీజు రీయింబర్స్ మెంట్ సంగతి ఏందని డిప్యుటీ సీఎం కడియం శ్రీహరిని నిలదీశారు.

ప్రభుత్వ దృష్టి మారుతోందా లేక దుబారా వల్ల ఖజానా కరిగిపోతోందా అనేది కేసీఆర్ సర్కారే చెప్పాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

బీఆర్ఎస్ఎల్పీ విలీనం.. కేసీఆర్ డిసైడ్ అయ్యారా?

బీఆర్ఎస్ బాస్ కేసీఆర్ అసలు విషయాన్ని గ్రహించినట్టు ఉన్నారు. ఎమ్మెల్యేలు ఒక్కొక్కరుగా పార్టీని వీడుతున్నా కనీసం నిలువరించే ప్రయత్నం చేయడం లేదు. మొదట్లో ఈ ప్రయత్నాలు చేసినా వర్కౌట్ అవ్వలేదనుకున్నారో ఏమో, మరికొంతమంది...

వాళ్ల కాళ్ల‌కు నేను కూడా మొక్కుతా… సీఎం చంద్ర‌బాబు

సీఎం చంద్ర‌బాబు త‌న‌ను తాను మార్చుకోవ‌టంలో ముందుంటారు అనేది ద‌గ్గ‌ర‌గా చూసిన వారి మాట‌. తాజాగా సీఎం తీసుకున్న నిర్ణ‌యం నిజ‌మే అనిపిస్తోంది. సీఎంగా ఎవ‌రున్నా ఆయా పార్టీల నేత‌లు, ప్ర‌జ‌లు కొంద‌రు...

రేవంత్ ప‌ర్ఫెక్ట్ స్కెచ్… గ్రేట‌ర్ ఎమ్మెల్యేల చేరిక అస‌లు వ్యూహాం ఇదా?!

సీఎం రేవంత్ రెడ్డి ప‌వ‌ర్ లోకి వ‌చ్చాక‌... త‌న దూకుడు మ‌రింత పెంచారు. కేసీఆర్ ఎమ్మెల్యేల‌ను పిలిపించుకొని మాట్లాడుతున్నా, ప్ర‌తి రోజు క‌లుస్తున్నా... వ‌ల‌స‌ల‌ను ఆప‌లేక‌పోతున్నారు. రేవంత్ రెడ్డి ప‌క్కా వ్యూహాంతో, సీక్రెట్...

ఎక్స్‌క్లూజీవ్‌: ప్ర‌భాస్ టైటిల్ ‘ఫౌజీ’

ప్ర‌భాస్ - హ‌ను రాఘ‌వ‌పూడి కాంబినేష‌న్ లో ఓ చిత్రం రూపుదిద్దుకొంటున్న సంగతి తెలిసిందే. ఈ చిత్రానికి 'ఫౌజీ' అనే టైటిల్ పరిశీలిస్తున్నారు. ఫౌజీ అంటే సైనికుడు అని అర్థం. ఈ సినిమాలో...

HOT NEWS

css.php
[X] Close
[X] Close