‘భలే భలే మగాడివోయ్’ సినిమా సూపర్ హిట్ అయిన తరువాత నాని “కృష్ణగాడి వీర ప్రేమ గాధ” సినిమా చేస్తున్నాడు. ఈ సినిమాలో నానితో మెహ్ రీన్ అనే కొత్త హీరోయిన్ జతకడుతోంది. మరో విశేషమేమిటంటే ‘పిక్సెల్ డ్రీమ్స్’ అని కొత్తగా స్థాపించబడిన ఓవర్ సీస్ ఫిలిం డిస్ట్రిబ్యూషన్ సంస్థ ఈ సినిమా హక్కులను స్వంతం చేసుకొంది. ఈ సినిమాలో సంపత్, బ్రహ్మాజీ, పృధ్వీ, శత్రు, రాజేష్, మురళి శర్మ తదితరులు ముఖ్య పాత్రలలో నటించారు.
హను రాఘవపూడి దర్శకత్వంలో 14 రీల్స్ ఎంటర్టెయిన్మెంట్ బ్యానర్ లో రామ్ ఆచంట, గోపి చంద్ ఆచంట, అనిల్ సుంకర కలిసి ఈ సినిమాను నిర్మించారు. ప్రముఖ దర్శకుడు ఏ ఆర్ రహ్మాన్ శిష్యుడు విశాల్ ఈ సినిమాకు సంగీతం సమకూర్చారు. ఇంతకు ముందు రోబో మరియు 1-నేనొక్కడినే సినిమాలకు విశాల్ సహాయ సంగీత దర్శకుడిగా పనిచేసారు.
కృష్ణగాడి వీర ప్రేమ గాధ సినిమా ఆడియో ఈనెల 20వ తేదీన విడుదలవుతుంది. ఈ సినిమా ఫిబ్రవరి మొదటివారంలో విడుదలవుతుంది. విదేశాలలో ఈ సినిమా ప్రదర్శనకు ఆసక్తి గలవారు పిక్సెల్ డ్రీమ్స్ సంస్థను ఈ క్రింద ఫోన్ నెంబర్ లేదా ఈ మెయిల్ చిరునామాలో సంప్రదించవచ్చును.
పిక్సెల్ డ్రీమ్స్:
ఫోన్ నెంబర్లు: 2484256364/2402465388 (శ్రీనివాస్)
ఈ-మెయిల్: pixeldreamsusa@gmail.com
