పవ‌న్‌క‌ల్యాణ్‌ ‘కొమరం పులి’ వచ్చి ఏడేళ్లు అవుతోంది. అందులో నటించిన నికిషా పటేల్‌ను ఇంకా పవన్ హీరోయిన్‌గా ప్రేక్షకులు గుర్తిస్తున్నారంటే ఇండస్ట్రీలో అమ్మాయిగారి పొజిషన్ ఏంటో అర్థం చేసుకోవచ్చు. ‘కొమరం పులి’తో కలిపి ఏడేళ్లలో నికిషా మూడంటే మూడు తెలుగు సినిమాల్లో నటించింది. ముచ్చటగా మూడూ బకెట్ తన్నేశాయి. కన్నడ, తమిళ ఇండస్ట్రీలలో కూడా సేమ్ సిట్యువేషన్. ఎప్పటికప్పుడు నికిషా కెరీర్ క్లోజ్ అనుకుంటున్న తరుణంలో ఏదో ఒక కొత్త సినిమాతో వార్తల్లోకి వస్తోంది. తాజాగా తెలుగులో లేడీ ఓరియంటెడ్ యాక్షన్ మూవీ ‘రౌడీ పోలీస్’ చేస్తున్నట్టు ఈ రోజు ప్రెస్ నోట్ వచ్చింది. డూప్ లేకుండా రిస్కీ యాక్షన్ షాట్స్ చేసినట్టు అందులో పేర్కొన్నారు. నికిషా కష్టాన్ని తక్కువ చేయడం లేదు గానీ అమ్మాయికి అసలు హిట్ వస్తుందా? లేదా? అనేది డౌట్ గా మారింది. ప్రేక్షకుల్లో నికిషాకు క్రేజ్ పూర్తిగా తగ్గిన మాట వాస్తవం. నిర్మాత పరిస్థితి చూస్తే జనాలకు జాలి కలుగుతోంది. సాధారణంగా ఇన్ని ఫ్లాపులు వచ్చిన హీరోయిన్‌కి ఇండస్ట్రీలో ఛాన్సులు రావడం కష్టం. కానీ, అందంతో నికిషా నెట్టుకు వచ్చేస్తోంది. ఆమె తీరు చూస్తుంటే ఫ్లాపుల్లో నితిన్, సాయిధరమ్ తేజ్ రికార్డులు బ్రేక్ చేసేట్లుంది.
పవన్ హీరోయిన్‌కి హిట్ వస్తుందా?
