ఇది వెంక‌య్య నాయుడుకి అనూహ్య అనుభ‌వం..!

ఉప రాష్ట్రప‌తి, రాజ్య‌స‌భ ఛైర్మ‌న్ వెంక‌య్య నాయుడుకి స‌భ‌లో అనూహ్యమైన అనుభవం ఎదురైంద‌ని చెప్పొచ్చు. ఆంధ్ర‌ప్ర‌దేశ్ ప్ర‌త్యేక హోదాపై రాజ్య‌స‌భ‌లో చ‌ర్చ‌! ఆయ‌న ఉప‌రాష్ట్రప‌తి కాక‌ముందు.. ప్ర‌త్యేక ప్యాకేజీ తెచ్చిన ఘ‌న‌త ఆయ‌న‌కే ద‌క్కింది. సన్మానాలు పొందారు. కానీ, దాన్ని కేంద్రం అమ‌లు చెయ్య‌లేదు. ఇక‌, ప్రస్తుతం స‌భ‌లో ఏపీ ప్ర‌యోజ‌నాల‌కు వ్య‌తిరేకంగా భాజ‌పా ఎంపీలు మాట్లాడుతున్నారు. జీవీఎల్ లాంటి కొత్త ఉత్సాహమున్న నేతలు ఏపీ స‌మ‌స్య‌ల‌పై ఇష్ట‌మొచ్చిన‌ట్టు ప్ర‌సంగిస్తున్నారు! ఈ నేప‌థ్యంలో వీట‌న్నింటి మ‌ధ్యా స‌భ నిర్వ‌హించ‌డం అనేది వెంక‌య్య‌కు క‌త్తిమీద స‌వాల్ లాంటి అంశ‌మే అయి ఉంటుంద‌ని అనుకోవ‌చ్చు.

అయితే, స‌భ్యులో స‌భ్యులు ఎంత‌మంది గ‌మ‌నించారో లేదో తెలీదుగానీ… ఆయ‌న కొన్ని కీల‌క‌మైన వ్యాఖ్య‌లు మ‌ధ్య‌మ‌ధ్య‌లో చేస్తూనే వ‌చ్చారు. జీవీఎల్ మాట్లాడుతున్న స‌మ‌యంలో టీడీపీ ఎంపీలు అడ్డుప‌డుతుంటే.. ‘నెర‌వేర్చాల‌ని ఎవ్వ‌రూ ఏదీ అడ‌గొద్దు. ముందుగా క్ర‌మ‌శిక్ష‌ణ క‌లిగిన స‌భ్యుడిగా బాధ్య‌త నెర‌వేర్చండి’ అన్నారు. ‘ప్ర‌భుత్వాలు మాత్ర‌మే చ‌ర్య‌లు తీసుకుంటాయి, స‌భ కాదు’ అని మ‌రో సంద‌ర్భంలో అన్నారు. ఇంకో సంద‌ర్భంలో, మ‌న‌కేం జ‌రిగిందో తెలుసున‌నీ, ఇక్క‌డ ఏయే స్థానాల్లో ఎవ‌రు మాట్లాడామో తెలుసు, ఎలాంటి ప‌రిస్థితుల మ‌ధ్య మాట్లాడామో తెలుసు, ఎవ‌రు ఏ పార్టీలో ఉన్నా అవి వాస్త‌వాలే అంటూ వెంక‌య్య అన్నారు. అంతిమంగా ప్ర‌జ‌లే నిర్ణ‌యిస్తారంటూ మ‌రో సంద‌ర్భంలో అన్నారు. ఇత‌ర పార్టీల స‌భ్యులు వారి స‌మ‌స్య‌లు మాట్లాడుతుంటే… ‘ఆంధ్ర‌ప్ర‌దేశ్ విభ‌జ‌న హామీల‌కు సంబంధించి క‌ట్ మోష‌న్ ఇచ్చారు, దీనికి సంబంధించిన అంశాలే మాట్లాడండి’ అని కూడా వెంక‌య్య స్ప‌ష్టంగా చెప్పారు. జీవీఎల్ మాట్లాడుతున్నంతసేపూ ఆయన హావభావాల్లో స్పష్టమైన మార్పు కనిపిస్తూనే ఉంటుంది.

ఒక ద‌శ‌లో ఏపీ అంశాల‌పైనే ‘మీరు గ‌తంలో ఇక్క‌డున్నారు, ఇప్పుడు అక్క‌డున్నారు’ అంటూ కొంతమంది మాట్లాడితే ఇప్పుడు తానేం చెయ్య‌లేన‌ని కూడా వ్యాఖ్యానించారు. మొత్తానికి, రాజ్య‌స‌భ‌లో ఏపీ ప్ర‌యోజ‌నాల అంశ‌మై జ‌రిగిన చ‌ర్చా కార్య‌క్ర‌మం వెంక‌య్య నాయుడుని కొంత ఉక్కిరిబిక్కిరి చేసింద‌నే అనిపిస్తోంది. ఓప‌క్క భాజ‌పాకి అనుగుణంగా వ్య‌వ‌హ‌రించ‌క త‌ప్ప‌ని ప‌రిస్థితి, మ‌రోప‌క్క ఆంధ్రా ప్ర‌యోజ‌నాల‌పై వాస్త‌వాలన్నీ తెలిసిన అనుభ‌వం. అందుకే, ఆయ‌న‌లో కొంత అస‌హ‌నం కొన్నిసార్లు వ్య‌క్తమైంద‌నే అభిప్రాయం కూడా వినిపిస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఈవారం బాక్సాఫీస్‌: ఎన్నిక‌ల‌కు ముందూ త‌గ్గేదే లే!

మే 13న ఏపీలో ఎన్నిక‌లు జ‌ర‌గ‌బోతున్నాయి. నెల రోజుల ముందు నుంచే ఈ ఎల‌క్ష‌న్ ఫీవ‌ర్ టాలీవుడ్ ని తాకింది. ఆ ఎఫెక్ట్ వ‌సూళ్ల‌పై తీవ్రంగా క‌నిపిస్తోంది. వారానికి రెండు మూడు సినిమాలొస్తున్నా...

మారుతి సినిమాకి ‘భ‌లే’ బేరం!

ఈమ‌ధ్య ఓటీటీ రైట్స్ విష‌యంలో నిర్మాత‌లు తెగ బెంగ ప‌డిపోతున్నారు. ఓటీటీలు సినిమాల్ని కొన‌డం లేద‌ని, మ‌రీ గీచి గీచి బేరాలు ఆడుతున్నార‌ని వాపోతున్నారు. అయితే కొన్ని సినిమాలు మాత్రం గ‌ప్ చుప్‌గా...

జైలు నుండే సీఎం రేవంత్ కు క్రిశాంక్ సవాల్

ఉస్మానియా వర్సిటీ పేరుతో సర్క్యూలర్‌ను మార్ఫింగ్‌ చేసి సామాజిక మాధ్యమాల్లో వైరల్‌ చేశారనే ఆరోపణలతో అరెస్ట్ అయిన బీఆర్ఎస్ నేత క్రిశాంక్ జైలు నుండే సీఎం రేవంత్ కు సవాల్ విసిరారు. తాను...

ల్యాండ్ గ్రాబింగ్ యాక్ట్ పై వైసీపీ కంగారుతో ప్రజల్లో మరింత అనుమానాలు !

ల్యాండ్ టైటిలింగ్ యాక్ట్ ప్రజల్లో ల్యాండ్ గ్రాబింగ్ యాక్ట్ గా ప్రచారం అవుతోంది. ప్రజల్లో విస్తృత చర్చ జరుగుతోంది. దీన్ని ఆపాలని జగన్ రెడ్డి పోలీసుల్ని పురమాయిస్తున్నాయి. సీఐడీ కేసునూ పెట్టించగలిగారు....

HOT NEWS

css.php
[X] Close
[X] Close