చెట్టుకింద ప్లీడ‌ర్‌గా సాయిధ‌ర‌మ్‌?

సాయిధ‌ర‌మ్ తేజ్ క‌థానాయ‌కుడిగా న‌టిస్తున్న `చిత్ర‌ల‌హ‌రి` ఈ వేస‌విలో విడుద‌ల కాబోతంది. ఆ త‌ర‌వాత‌.. మారుతితో జ‌ట్టు క‌ట్ట‌బోతున్నాడు. గీతా ఆర్ట్స్ నిర్మించే ఈ చిత్రంలో సాయిధ‌ర‌మ్ లాయ‌ర్ పాత్ర‌లో క‌నిపించ‌బోతున్న‌ట్టు స‌మాచారం. లాయ‌ర్ అంటే… రామ్ జెఠ్మ‌లానీ టైపులో ఊహించుకోవొద్దు. ఇది జ‌స్ట్ చెట్టుకింద ప్లీడ‌ర్ టైపు పాత్ర. `అభిలాష‌`లో చిరంజీవి పాత్ర గుర్తింది క‌దా? ఆ టైపు త‌మాషా లాయ‌ర‌న్న‌మాట‌. మారుతి వినోదం పండించ‌డంలో దిట్ట‌. ఈసారి కామెడీకి బాగా స్కోప్ ఉన్న పాత్ర‌ల్ని సృష్టించాడ‌ని టాక్‌. ఈ సినిమా కోసం సాయిధ‌ర‌మ్ తేజ్ కాస్త ఒళ్లు త‌గ్గ‌బోతున్నాడ‌ట‌. చిత్ర‌ల‌హ‌రి టీజ‌ర్‌లో కాస్త లావుగానే క‌నిపిస్తున్నాడు తేజు. లాయ‌రు పాత్ర కోసం మాత్రం కాస్త బ‌రువు త‌గ్గాల్సివ‌స్తోంది. ప్ర‌స్తుతం స్క్రిప్టు ప‌నుల్లో బిజీగా ఉన్నాడు మారుతి. మ‌రోవైపు గీతా ఆర్ట్స్ క‌థానాయిక ఎంపిక‌పై దృష్టి సారించింది. పూర్తి వివ‌రాలు త్వ‌ర‌లో తెలుస్తాయి.