కొన్ని కాంబినేషన్లు సంచలనంగా వుంటాయి. కొన్ని కాంబినేషన్ లు ఉత్సాహంగా వుంటాయి. కొన్ని కాంబినేషన్లు వింటే..నిజమేనా? అన్న క్వశ్చను ఎదురవుతుంది. అలాంటి కాంబినేషన్ గురించి ఆలోచనలు విత్తనం దశలో వున్నట్లు వార్తలు వినిపిస్తున్నాయి.
బాలకృష్ణ-దిల్ రాజు. అదీ కాంబినేషన్. ఎన్నో సక్సెస్ ఫుల్ సినిమాలు తీసి, మంచి నిర్మాతగా, డిస్ట్రిబ్యూటర్ గా, ఎగ్జిబిటర్ గా టాలీవుడ్ లో పేరు తెచ్చుకున్నారు దిల్ రాజు. దాదాపు అందరు హీరోలతో సినిమాలు తీసారు. కొద్దిమంది మిగిలారు. వాళ్లలో బాలయ్య ఒకరు. బాలకృష్ణ లాంటి సీనియర్ హీరోను ఇంకా టచ్ చేయలేదు.
ఈ మధ్యనే బాలకృష్ణ తో సినిమా అన్న ఆలోచన దిల్ రాజు మదిలో మొలకెత్తినట్లు తెలుస్తోంది. ఓ సినిమా ఆయనతో కూడా చేస్తే ఎలా వుంటుంది అన్న ఆలోచన. అదే సమయంలో ఓ దర్శకుడు తెచ్చిన కథ సరిగ్గా బాలయ్యకు సూటబుల్ గా వుండడం అన్నది యాదృచ్ఛికం.
కానీ ఇంకా ఈ వ్యవహారం అంతకు మించి అడుగు ముందుకు పడలేదు. కానీ అబ్బురం, ఆశ్చర్యం, సాధ్యంకాని వ్యవహారం కాదు. దిల్ రాజు మనసులో ఆలోచన రావాలే కానీ, ఆయన దాన్ని వదిలి పెట్టరు. అందువల్ల 2019 కాకుంటే 2020లోనైనా ఆ కాంబినేషన్ మనం చూస్తాం.
