వాల్మీకి టైటిల్ మారింది. ఇక నుంచి ఈ సినిమా పేరు.. `గ‌డ్డ‌ల‌కొండ గ‌ణేష్‌`. ఓ క‌మ‌ర్షియ‌ల్ సినిమాకి వాల్మీకి అనే పేరు పెట్ట‌డం వ‌ల్ల త‌మ మ‌నోభావాలు దెబ్బ‌తింటున్నాయ‌ని బోయ సామాజిక వ‌ర్గం అభ్యంత‌రాలు తెలిపింది. క‌ర్నూలు, అనంత‌పురం జిల్లాల‌లో వాల్మీకి సినిమా విడుద‌ల‌ను నిలిపివేస్తూ జిల్లా కలెక్ట‌ర్లు ఉత్త‌ర్వులు జారీ చేశారు. దాంతో చిత్ర‌బృందం దిగిరాక త‌ప్ప‌లేదు. వాల్మీకి పేరుని గ‌ద్ద‌ల‌కొండ గ‌ణేష్‌గా మారుస్తూ.. చిత్ర‌బృందం అత్య‌వ‌స‌ర నిర్ణ‌యం తీసుకుంది. కొద్ది సేప‌టి క్రిత‌మే ఈ విష‌యాన్ని అధికారికంగానూ ప్ర‌క‌టించింది. ఈచిత్రంలో వ‌రుణ్‌తేజ్ పాత్ర పేరు గ‌ద్ద‌ల‌కొండ గ‌ణేష్‌. అందుకే ఈ పేరు పెట్టారు. మొత్తానికి సినిమా పేరు మార్చి, చిత్ర‌బృందం ఈ వివాదానికి పుల్‌స్టాప్ పెట్టింది. అయితే ఇప్పటికే ఫ‌స్ట్ కాపీ అప్ లోడ్ అయిపోయి ఉంటుంది. తొలి రోజు స్క్రీన్ పై వాల్మీకి అనే టైటిల్‌తోనే సినిమా చూడాలి. ఇప్ప‌టికిప్పుడు పోస్ట‌ర్ల‌నీ మార్చే అవ‌కాశం లేదు. ఇవ‌న్నీ ఓ కొలిక్కి వ‌చ్చేట‌ప్ప‌టికి ఒక‌ట్రెండు రోజులు ప‌ట్టొచ్చు.
‘వాల్మీకి’ టైటిల్ మారింది: ఇక గ‌ద్ద‌ల కొండ గ‌ణేష్‌
