ఐటీ స్కామ్‌లో ఇరుక్కున్న విష్ణు

చాలా కాలం త‌ర‌వాత మంచు విష్ణు మ‌ళ్లీ కెమెరా ముందుకు వ‌చ్చాడు. జెఫ్రీ చిన్ అనే ఓ హాలీవుడ్ ద‌ర్శ‌కుడితో సినిమా చేస్తున్నాడు. కాజ‌ల్ అగ‌ర్వాల్ క‌థానాయిక‌గా న‌టిస్తోంది. న‌వ‌దీప్‌, సుశీల్ శెట్టి ప్ర‌ధాన పాత్ర‌లు పోషిస్తున్నారు. ఈ చిత్రానికి ‘మోస‌గాళ్లు’ అనే టైటిల్ ఖరారు చేసిన‌ట్టు తెలుస్తోంది. ఈ చిత్రానికి విష్ణునే నిర్మాత‌. ఐటీ స్కామ్ నేప‌థ్యంలో సాగే సినిమా ఇది. క్రైమ్‌, థ్రిల్లింగ్ ఎలిమెంట్స్ పుష్క‌లంగా ఉంటాయ‌ట‌. విష్ణు ఎప్పుడూ కామెడీ, లేదంటే యాక్ష‌న్ క‌థ‌ల‌నే ఎంచుకునేవాడు. అనుక్ష‌ణం త‌ర‌వాత‌… తాను చేస్తున్న థ్రిల్ల‌ర్ ఇదే. మ‌రి ఫ‌లితం ఎలా ఉంటుందో చూడాలి.