ప‌ర‌శురామ్‌కి దాదాపుగా లైన్ క్లియ‌ర్ అయిన‌ట్టే. నాగ‌చైత‌న్య – పరశురామ్ కాంబో దాదాపుగా ఖాయ‌మైపోయింది. ఈ చిత్రాన్ని 14 రీల్స్ సంస్థ నిర్మించ‌నుంది. అయితే పరశురామ్ ఈ ఒక్క సినిమాతోనే స‌రిపెట్ట‌డం లేదు. అదే కాంపౌండ్‌లో మరో సినిమాకీ ప్లాన్ చేస్తున్నాడు. అయితే ఈసారి సమంతతో. పరశురామ్ ద‌గ్గ‌ర ఓ లేడీ ఓరియెంటెడ్ క‌థ ఉంది. దాన్ని సమంతతో తెర‌కెక్కించేందుకు ప్ర‌ణాళిక‌లు న‌డుస్తున్నాయి. చైతూ సినిమా పూర్త‌యిన వెంట‌నే, స‌మంత సినిమాని ప‌ట్టాలెక్కించాల‌ని పరశురామ్ భావిస్తున్నాడు. `గీత గోవిందం` త‌ర‌వాత ప‌ర‌శురామ్‌కి యేడాది పాటు గ్యాప్ వ‌చ్చింది. ఇప్పుడు అలాంటి విరామాలు రాకుండా ఉండాల‌న్న‌ది పరశురామ్ ఆలోచ‌న.
నిజానికి `గీత గోవిందం` క‌థ‌ని నాగ‌చైత‌న్య – స‌మంత‌ల‌కే వినిపించాడ‌ట పరశురామ్. లైన్‌గా చెబుతున్న‌ప్పుడు ఆ క‌థ చైతూకి పెద్ద‌గా ఎక్క‌లేదు. అది కాస్త విజ‌య్ – ర‌ష్మిక‌ల చేతిలో ప‌డి సూప‌ర్ హిట్ అయ్యింది. అన‌వ‌స‌రంగా ఓ సూప‌ర్ హిట్ సినిమాని వ‌దులుకున్నం అన్న ఫీలింగ్ అటు చైతూకీ, ఇటు స‌మంత‌కీ ఉంది. అందుకే పరశురామ్ తో ఇప్పుడు బ్యాక్ టూ బ్యాక్ సినిమాలు చేయ‌డానికి రెడీ అయిపోయారు.
