ఈనెల 31న కృష్ణ పుట్టిన రోజు. ఈ సంద‌ర్భంగా `స‌ర్కారు వారి పాట` టీజ‌ర్ వ‌స్తుంద‌ని మహేష్ బాబు అభిమానులు ఎంతో ఆస‌క్తిగా ఎదురు చూస్తున్నారు. ప‌ర‌శురామ్ టీమ్ కూడా ఇప్పుడు అదే ప‌నిలో ఉంది. మహేష్ అభిమానుల్ని ఖుషీ చేయాల‌ని భావిస్తోంది. అయితే.. టీజ‌ర్ క‌ట్ చేసేంత ఫుటేజీ.. అందుబాటులో లేద‌ని టాక్‌. `స‌ర్కారు వారి పాట`కు సంబంధించిన కీల‌క‌మైన షెడ్యూల్ దుబాయ్‌లో సాగింది. 15 రోజుల పాటు జ‌రిగిన ఆ షెడ్యూల్ లో ఓ యాక్ష‌న్ ఘ‌ట్టాన్ని తెర‌కెక్కించారు. దాంతో పాటు 15 నిమిషాలకు స‌రిప‌డేంత ఫుటేజీ తెర‌కెక్కించారు. అది త‌ప్ప… `స‌ర్కారు వారి పాట` టీమ్ ద‌గ్గ‌ర టీజ‌ర్ కి స‌రిప‌డేంత ఫుటేజీ లేద‌ని తెలుస్తోంది. అందుకే 30 సెక‌న్ల గ్లింప్స్‌ని క‌ట్ చేసి, అందులో ఓ డైలాగ్ ని మిక్స్ చేసి వ‌దులుదామ‌ని భావిస్తున్నారు. అది కూడా మహేష్ ఓకే అంటేనే..?! 30 సెక‌న‌ల గ్లింప్స్‌లో కిక్ లేద‌నుకుంటే.. ఆ టీజ‌ర్ కూడా బ‌య‌ట‌కు రాదు. చిన్నపాటి పోస్ట‌ర్ తో.. బ‌ర్త్ డే విషెష్ చెప్పేస్తారంతే. ప్ర‌స్తుతానికైతే 30 సెక‌న్ల బుల్లి టీజ‌ర్ అయితే క‌ట్ చేస్తున్నారు. దానికి మహేష్ ఆమోద ముద్ర ప‌డాలి.
‘స‌ర్కారు వారి పాట’ టీజ‌ర్ క‌ష్టాలు
