ఛ‌త్ర‌ప‌తితో హిందీ లో అడుగుపెడుతున్నాడు బెల్లంకొండ శ్రీ‌నివాస్‌. అది హిందీ సినిమానే అయినా, సౌత్‌లో అన్ని భాష‌ల్లోనూ విడుద‌ల చేయ‌డానికి రెడీ అయ్యారు. ఛ‌త్ర‌ప‌తి చూసేసినా, తెలుగులోనూ ఈ సినిమాని విడుద‌ల చేస్తారు. ఈలోగా బెల్లంకొండ ముందుకు మ‌రో పాన్ ఇండియా ప్రాజెక్ట్ వ‌చ్చింది. ఈసారి సితార ఎంట‌ర్‌టైన్‌మెంట్స్ సంస్థ ఈ చిత్రాన్ని నిర్మించ‌బోతోంద‌ని టాక్‌. ఓ అగ్ర ద‌ర్శ‌కుడు ఈసారి ఈ ప్రాజెక్టుని హ్యాండిల్ చేయ‌బోతున్నాడ‌ట. ఆ ద‌ర్శ‌కుడి వివ‌రాలు కూడా అతి త్వ‌ర‌లో ప్ర‌క‌టించ‌బోతున్నారని తెలుస్తోంది. ఈ ప్రాజెక్టులో చాలామంది స్టార్ల పేర్లు క‌నిపిస్తాయ‌ని, ఈ కాంబినేష‌నే షాకింగ్ గా ఉంటుంద‌ని గుస‌గుస‌లు వినిపిస్తున్నాయి. మ‌రి ఈ ప్రాజెక్టులో ఎవ‌రెవ‌రు ఉంటారో.. తెలియాలంటే ఇంకొన్ని రోజులు ఆగాలి. మ‌రోవైపు `ఛ‌త్ర‌ప‌తి` రీమేక్ పనులు శ‌ర వేగంగా సాగిపోతున్నాయి. ఈ సినిమాకి స‌రైన టైటిల్ కోసం చిత్ర‌బృందం ఇంకా అన్వేష‌ణ కొన‌సాగిస్తోంది. `ఛ‌త్ర‌ప‌తి` అనే టైటిల్ నే హిందీలోనూ పెడ‌దామ‌నుకుంటే, ఆ టైటిల్ మ‌రొక‌రు రిజిస్ట‌ర్ చేయించేసుకున్నారు. `ఛ‌త్ర‌ప‌తి శివాజీ`, `శివాజీ` అనే పేర్లుకూడా అందుబాటులో లేవు.
బెల్లంకొండ ‘షాకింగ్’ ప్రాజెక్ట్|
